Romjulsglede

Det er lenge sidan vi har hatt ein så lang periode med snø. Det er fantastisk å gå på tur på snøføre;o) Det er ikkje så vanleg her i Florø. Her kjem som oftast snøen eine dagen og så kjem mildværet den neste, så frys det att... Då blir resultatet som oftast slaps, gjerne is og heldigvis grusa fortau og salta vegar..... Men i år har julehelga bydd på snø og kulde. Nydeleg føre, lyst og triveleg og jubel og frydefulle kvin frå akande og leikande ungar;o)

Eg nyt å gå turar enten med måneskin og stjernehimmel over meg eller som i dag tidleg med rosa skyer mot lys blå himmel, det er vedunderleg godt å kunne vandre ute i slikt eit nydeleg, snødekt landskap. Kulden er ikkje så god mot ryggen, men det hjelper å kle på seg, fyre godt i omnen og nyte varmen når eg kjem inn att etter ein god tur. Te eller kaffi i koppen og lydbok på øyret gjer og godt! Det å kunne kle godt på seg, gå ein tur utan å tenkje på at den ikkje må vere for lang, men i staden kjenne at det gjer godt, det er luksus! Eg nyt det!

I februar reiste vi på biltur og då starta eg på dette skjerfet som eg jamt og trutt har teke med meg når eg veit at eg skal sitte nokre timar i bil, buss eller båt. I sommar freista det ikkje å strikke i ull så då bytte eg det med eit anna strikkety. Eg starta med 4 nøster eit i kvar farge. Det grøne brukte eg to av, då det vart botnefargen. Til slutt hekla eg i blått ein liten kant i kvar ende. I dag var det godt å tulle dette fleire gangar rundt halsen før eg stakk ut døra på veg til jobb. Det er kjekt med eit varmt og godt skjerf rundt hals og nakken og halsen. Det gjer seg og godt med ein fargeklatt på den svarte vinterjakka.

No har eg plukka fram litt restegarn, og nokre nye nøster, og endeleg kan eg ta fatt på eit strikkeprosjekt som eg lenge har hatt lyst å starte på. Heilt sidan eg var innom denne sida og såg jakka har eg tenkt på den. Mønsteret er kjøpt og no har eg (nesten) ingen strikkeprosjekt i gang og då er det naturleg å starte på eit nytt!, er det ikkje det?? Eg har andre fargar enn "originalen" og dei skal de få sjå om litt, når eg berre har kom i gang, slik at dei viser betre enn no....

Eg hadde i grunnen tenkt å sy i dag, men eg skal berre strikke litt til....... Det er kjekt å sjå korleis fargane "leikar" seg når eg plukkar ein farge og strikkar ein pinne, så ein ny farge, "utan noko system" strikkar ein til, og ein til, og ......

Eg har te i den nye koppen min, tulipanar i vasen, som eg nyt synet av når eg er innom kjøkkenet for å hente meir varmt vatn, mange stearinlys er tende i stova, mmmmm.....


Eg har det godt! og håpar at du og har det!

GOD JUL

Dagane fram mot jul vart så alt for korte;o) Eg rakk ikkje alt eg hadde tenkt eg skulle gjere, men jul vart det likevel!;o) Julegåver vart ferdige, nokre hugsa eg å ta bilde av før det vart pakka inn av eldste jenta, som har vore til stor hjelp i denne førjulstida! Ho pakkar, ryddar, tørkar støv, held orden på kva gåver om er pakka inn, kvar dei er og kva som manglar..... Godt for mamma og pappa å ha ei som har full kontroll, når vi ikkje heilt veit "opp og ned på ting". Eg har sydd litt og strikka litt og no kan eg vise dei bileta eg hugsa å ta.....

Denne løparen og brikka har vi gitt til svigermor og svigerfar....

Luer, vottar og skjerf/hals og pulsvantar vart ikkje foreviga med bilder.... men vi håpar det varmar dei som har fått dei;o)

Denne har funne vegen til eine broren og svigerinna mi. Eg har korta litt ned på lengda i forhold til det som er brukt i mønsteret.

Julestemninga har kome inn i hus i form av pynt, lukta av juletreet, og i går lukta av pinnekjøttet som skapte forventning og glede! mmmmm og det smakte godt slik som det alltid gjer.

Vi er så heldige at vi får pinnekjøtt og julepølser laga av mamma og pappa. Det er salta, tørka og røykt og smakar himmelsk!!!

Bordet er det eldstejenta som har pynta.

Kvelden var fylt av frydefulle kvin etterkvart som jentene pakka opp pakkane. Smil og godord, når vi vaksne pakka opp våre pakkar. Ein god kveld med leik og ungar som fekk sjå meir på sine gåver og som vart avslutta i sofaen med ein film, for oss vaksne, før senga.

Ein god kveld og starten på ei rolegare tid saman med familie. Det skal bli godt når dagane går i langsamare tempo, med tid til gode turar, prat, bøker, spel, god mat, kunne gjere nett det vi vil og kunne vere saman med resten av familien. Vi er så heldige at vi skal vere samla med mamma og pappa, saman med mine 4 søsken og deira ektefeller og barn. Til saman er vi då 12 vaksne og 15 barn som kan vere saman med latter, leik, god mat og god prat. Eg trur ikkje ein kan ha det betre då...;o)

God jul til alle som tek turen innom. Håpar de har ei fin tid;o)

mmmm, kos og overflod!

Det er travle tider desse dagane fram mot jul, men mykje av det som vi er med på er kos!! Juleavslutningar på aktivitetar, på skule og barnehage, konsertar, julespel, ....... Det er kjekke stunder og det er godt når ein kan vere med på dei å samle gode minner og stunder. Det kan verte travle dagar når det skal puttast inn mellom alt det andre, MEN eg ville ikkje vere det forutan! ;O)

Det gjer at det blir mindre innlegg på bloggen, men her kjem litt av det vi har gjort og skal gjere....

Jentene har pynta pepperkakehus, overfods-hus..... men det er kjekt å sjå det på kjøkkenbenken og jentene kosa seg og putta mykje på huset og noko i munnen medan dei dreiv på;o) og det duftar førjulstid! når eg er i nærleiken....

Eg hadde ei koseleg kveldsstund saman med tre venninner, som de ser er symaskin, strikkepinnar og bøker til inspirasjon i bruk! Gløgg, julebakst, god prat, inspirasjon og mykje latter er godt påfyll som eg gjerne prioriterer!

Juletrefest på skulen først ei kjekk stund saman med klassen til mellomste med julebrus, kaffi og julebakst god prat.... treng eg å seie meir.... Nok ei god stund. Deretter kunne vi benke oss å sjå juleevangeliet dramatisert av 5. klasse, vidare kunne vi sjå korleis nissefamilien har det på veslejulaftan med besøk av pepperkaker, troll, onkel nisse og musene som syng nattsang til nissebarna. Det var 6. kl og dei eldste barna i barnehagen som hadde øvd inn og vi foreldra sat med klump i halsen å såg på. Minstejenta vår spelte mus og song og strålte! Det var lett å la seg glede og få julestemning....

Det som no blir laga er julegåver. Eg har som vanleg mange prosjekt på gang, samtidig.... Noko av det som er ferdig er dette nydelege, luftige og lette sjalet som eg har hekla av Kid Silk frå Garnstudio og som varmar godt! Håpar det fell i smak hos mottakar.

I dag er det fridag, først skal eg har ei stund med symaskina, så litt julelunch på jobb. Det kan eg ikkje la gå forbi meg, nam, nam... ;o) så heim att til symaskina og ein strekk på sofaen… før vi skal nyte ein konsert med ungdomsskulen og eldstejenta i felleskoret. Etter det tenkjer eg at det blir sofa, heklekroken eller strikkepinnane.

Å, eg er heldig som kan få vere med på alt dette!

Ha ein god dag, du og !

Hjerteraud....

Vel, eg skreiv eg var ferdig med å sy til Kreativiteten i siste innlegg.... men så hadde dei fått spørsmål om raude hjerter og det hadde vi ikkje så då tok eg heklekroken lagde nokre få til. Eg hadde og litt raudt stoff liggande og då vart det jammen nokre fleire hjerter som er kome på plass i butikken.

Adventsmøtet var ei kjekk stund og eg var så heldig at eg kom heim med ein nydeleg bukett og ein engel. Buketten fekk eg for innsatsen eg hadde gjort til husflidsmessa.

Engelen vann eg på loddsalet og eg trur ikkje eg kan få nok englar......  Er den ikkje søt?? Den har fått plass i kjøkkenvindauget vårt slik at eg ser den fleire gangar for dagen;o)

Veka har spurta av garde med trening, jobb, gode stunder med vennar, kakedeling, lusiafeiring i barnehagen. Litt gåvekjøp, strikk og hekling av julegåver og familiesyslar. Ei god veke med andre ord!

God helg til deg!

Endå ei god helg....

Laurdagen starta med juleverkstad til 4H. Eg hadde ansvaret for "kunst og handsverk"... vel, der var det mogelegheit for å laga papirpynt, nissepynt og hjerter i ullfilt. Det var ei kjekk stund som vart avslutta med kaffi og nybakte julekaker.

Resten av dagen fekk eg ikkje gjort så mykje anna enn å bake rundstykke og pizza til kvelds.

Søndag starta eg med friskt mot og fekk ferdig desse hjerta og bileta, dei har eg og tenkt å ha på Kreativiteten, og då er det nok for min del i år.;O) Eldste jenta har og varer for sal i butikken. Det er makramesmykker, kort og maskemarkører.

Deretter var det tid for å lage deig til julekaker og medan dei sto kaldt fekk eg meg ein flott tur på Brandsøyåsen. Det er over eit år sidan eg har vore på toppen!!! Yes! i går kom eg opp;o) Eg tok bileter i rein glede og det bles så pass på toppen at siste bildet vart noko sløret.....

Sein på ettermiddagen hadde eldste-gullet og eg samarbeid;o) Ho skar opp silkekakene og la dei på bretta og eg passa dei medan dei var i omnen og la dei på rist. (I oppveksten og framleis kallar vi desse silkekaker, men dei blir og kalla sjakkruter) Ho med Harry Potter på øyret for ???-gang og eg med litt handarbeid mellom bretta. Ho er veldig glad i lydbøker, nett som mora..., og har høyrt alle Harry Potter-bøkene mange gangar. No har også mora og mellomste-gullet starta på desse bøkene.....;O)

Då er eg klar for julekakebyte;o) Vi er 7 damer som bakar ei sort kvar og så møtast vi ein kveld med ost, kjeks, raudvin og gløgg..... Når eg då kjem heim, etter ein kjekk kveld i godt selskap, har vi plutseleg 7 kakesortar i boksane våre som vi kan nyte i adventstida;o)

I kveld skal eg få vere saman med dei kjekke damene i Florø Husflidslag på Adventsmøte. Eg gleder meg til god snakk, god mat og kjekk underhaldning. Det skal bli ei kjekk stund!

Ha ein fin dag!

Englefryd i desember.

Advent er den tida då vi skal kose oss og nyte tida fram mot jul. Det er det alle seier, men når eg har kasta eit blikk på framsida til vekeblada i den seinare tid så skal dei hjelpe oss med å stresse ned..... Vel, litt kav blir det nok no med julebakst, gåvekjøp og avsluttingar i skule og barnehage, men eg trur likevel at eg ikkje treng hjelp til å ikkje stresse..... heile tida, om det blir stress så får eg ta fram strikkepinnane, heklekroken eller nål og tråd, då pleier skuldrene å senke seg av seg sjølv.....


Eg er i vert fall glad for å ha jentene mine, med si forventning i denne tida. Det er lett å la seg rive med når dei med strålande auge, og med forventning og glede i stemmene, frydar seg over tida vi no er inne i. Med ekstra lys både inne og ute, med kalendertrekking heime og på skulen, og i barnehagen. Med julemusikk på radio og cd skal det noko til å ikkje fryde seg saman med dei. Eg skal kose meg i denne tida og det eg greier, greier eg;o) og det eg ikkje vinn over, trengs gjerne ikkje....;o) Kos skal eg ta meg tid til saman med familie og venner!

Bildet er av kalenderen som jentene deler på, posane sydde eg då eldstejenta fekk kalenderen sin, det er no ei stund sidan..... Den har alltid hengt på kjøkkenhylla og det er ikkje advent utan at den blir hengt opp, iflg ho. Det er kos for meg når eg seint på kvelden sist i november heng opp posane og gledar meg til jentene vaknar og ser at den er kome opp.... eg kan gjerne fryde meg over det...;o) og kalenderen vi har fått av eldste-gullet! som til no har gitt oss nissesjokolade og twist, mmmmm....

Her er og englane mine ferdige. Det har vore kjekt å pynte dei og denne gangen vart det perler, hekl, lin og paljettar som prydar dei. Dei skal eg ha ned på julebutikken til Kreativiteten.

Dei to største står av seg sjølv og dei tre andre kan hengast opp til pynt.


Nyt kvelden og adventskosen!

Heimelaurdag;o)

I dag har eg sove lenge;o) Det har eg ikkje gjort på lenge! Sein frukost og så pusla vi rundt i huset med støvkost.

Eg plukka fram pynt i lilla, gull og naturkvit. Fram kom og dukane eg brukar i advent. Nokre er lilla med sauer og grisar på, nokre er i lilla, oransje, raud og brun. Ja, eg er glad i fargar! Eg nyt denne tida med desse fargane, levande lys, stjerne i glaset og mørkret ute.

Snart skal eg hente fram julemusikken og gløggen og snart skal julebaksten lukte i huset, mmmm.... det skal nytast i fulle drag! I morgon skal gardinkappene og stjernene på plass i vindauga på kjøkkenet og vi kan kveikje det første lyset.

Eldste har og pusla på og ho har lova at rommet skal verte ryddig..... Plutseleg såg eg at denne var komen fram att. I fjor lagde ho adventskalender til faren og meg! Ho har laga huset sjølv og fyller opp dei små skuffene. I fjor var det gode ord og nissesjokolade som fylte huset, skal tru kva det er i år? Tenk at ho meinar at vi og fortener ein kalender!;o)

Det er godt å vere heime og no skal eg ha meg ein god ettermiddagstur før eg skal plukke fram englane og gjer dei ferdige.

God laurdagskveld til deg!