Fine tekstilar

Eg er heldig for eg har fått nokre vakre tekstilar.

Både gamle og nokre av nyare dato.

For å kunne glede meg endå meir over desse, har eg hengt dei opp i kjøkkenglaset.

Stor glede, dei slepp inn meir lys,

og dei er vakre å sjå på.

Det er veldig kjekt å leike litt og
tenkje annleis... 

Då dei ikkje er lange nok til bredda på vindauget.....

Men  kven har sagt at gardinkapper skal vere det....;o) 

Eg er med på at det er ryddig og greitt med rette linjer.... 

.... og at det er godt for auga at gardinene er like breie som listene rundt glaset.....

....Men, med f.eks nokre flotte hjerter frå Sonja blir det  og perfekt!

... i mine auge......;o)

Det går ikkje at slike vakre handarbeid skal ligge i skuffa....

Dei må fram i lyset og gje kvardagsglede....



Gjer dagen din god!

Sukkertyfargar;o)

Det er vårleg for tida. Dagane blir lenger og det er nesten lyst når vi står opp.

Det er godt når vi går mot vår og sommar. Sola kikkar fram av og til så vi blir våryre og energien kjem tilbake.

I helga har vi verkeleg vore våryre på mange måtar. På turar ser vi snøklokkene kikka fram og vitnar om vår.

Inne har vi og leika oss med fargar.

Eg har funne fram nøsta eg snopa sist helg. Det resulterte i ein blome til å ha under kaffikanna.

Vårleg og frisk i fargane.

Eg har og pynta nok ein valnøttboks.

Striper i kjekke sukkertyfargar....

Til appelsinteen til eldstegullet. Eg har planar om nok ein slik boks til lakristeen hennar.

Ho har og leika seg med sukkertyfargar.

Ei venninne av ho var på gåvejakt. Dei to kom då på denne flotte gåveideen.

Dei handla ei flott glaskrukke, på sopebutikken.....;o ) og kom heim og bakte lekker marengs i flotte fargar til å ha i krukka.

Ei flott gåve både for auga og for ganen;o)

Eldstegullet var så nøgd med dette at ho i går tok med systrene sine og dei fekk velje fargar.

Glade, smilande ungar kosa seg på kjøkkenet og tryllar fram lekkre smakebitar.

No har vi eit norgesglas med gla’fargar på kjøkkenbenken. Det manglar berre det berre eit fint stofflokk så er det perfekt.

....Og det skulle vel ikkje vere det vanskelegaste å få til.....

Gjer dagen din god!

Orden i sakene....

Eldstegullet treng nokre mapper til ustyret ho brukar til kakepynting og dropslaging.

Det har til no lege i laust eller plastposar!..... i skåpet.

Både ho og eg meinte det kunne vere på sin plass å samle det i praktiske mapper.....

Eg hadde nokre motivstoff med kaker og ein kopp med sjokolade som var kjøpt inn til desse mappene.

I tillegg fann eg eit herleg stoff hos vår lokale stoffbutikk. Det er ein serie med friske damene i mange forskjellige motiv. Nesten alle har ein muffins med.....;o )

Dei passar ypparleg til eldstegullet som yndar å bake og smake på muffins....

Saman med motivstoffet, som ein får i rapportar, er det 3 andre stoff som passar til. Dei er kjekke til mapper, toalettvesker, pennal, bokomslag osv.....

I tillegg til muffins stoffet har eg funne fram kjøkkensettet mitt frå seint på åttitalet... pastellfarga striper passar godt til dette...;o)

Eg har berre brukt litt av den eine gardina, så eg har nok til fleire kreative, pastell krumspring;o)

Inne i mappene har eg brukt voksduk, praktisk til kjøkkenbruk.....;o )

Mappene er utan vatt, men med voksduk og eit noko kraftig stoff treng ein ikkje det.

Dette er pompadur til  "sprøyteposen", då den trengde litt meir plass enn i ei smal mappe....

Mappene måtte ikkje bli for søte, difor brukte eg glidelåsar og rammer i gode fargar som passar til.

No er det berre for gullet å sortere dei forskjellige tinga på plass;o)



Gjer dagen din god!

Fleire ferieprosjekt....

Heimeferien gjev rom for forskjellige syslar, og strikk er det alltid plass til.

Eg fann mønsteret til halsen her. Eg hadde nokre nøster med mjuk, lekker tråd liggande, og var utan eit eigna fjernsynstrikk.....

Lett å la seg freiste.....

Saman med tråden var og ein hekla blome. Den passa jo fint og det var fort gjort å lage to ekstra....

Ein kan velje, med eller utan pynt, alt etter kva veg ein snur halsen;o)

Eg skal nok finnne den rette eigaren til denne, då fargane ikkje er heilt mine....

Eg har og pusla med dette:

Ein skinnbit frå Panduro...

....ein vakker knapp som vart med heim frå turen til Bergen....

...nokre trykknappar.....

..... og ein bit hyssing.

Vips, og eg har eit nytt armband. Nett passeleg til meg og i mine fargar, så det slepp eg å finne eigar til!

Knappen er grønare enn den bilete viser, og ein favoritt.....,o)


Gjer dagen din god!

Ferieprosjekt...

Vi har ferie, jentene og eg.  Heimeferie.

Det betyr seine morgonar med  ei god bok på senga, seine frukostar, lange dagar og få planar.

Vi tek dagane som dei kjem. Gode dagar;o)

Litt baking, litt saum, inn i mellom hus syslar som ein ikkje kjem utanom.....

Det er godt å ha ei slik veke når kvardagane vanlegvis er fylt opp av lekser, aktivitetar og skule.

Eg ser at jentene treng slike fridagar. I vert fall eldstegullet som har plenty lekser i både vekene og helgane.

Småprosjekt er kjekke slik som desse posane som dei to minste har fått til klinkekulene sine. Dei har sjølve teke ut stoffa. Plukka frå mamma sitt velfylte lager....;o)

Ugler og kattar, det er koselege dyr... Vi har ingen levande, men likevel finn vi dei rundt om kring i huset på forskjellig.....;o )

I dag håpar eg å sy nokre mapper som eldstegullet har bruk for.



Gjer dagen din god!

Ferie, snop og slikt...

Vi hadde ei flott helg i Bergen. Litt vått eine dagen og litt kald den andre.... Men det gjorde ingen ting for vi fekk snope litt den våte dagen.....

Her er mitt snop vårleg og kjekt, både stoffa og tråden. Det var, omtrent som vanleg, ..... kjøpt utan mål og meining.

Berre fordi det var fint og eg kan leike med med dei fine fargane!

Gullet fekk snope denne og den var i bruk kort tid etter heimkomsten.

Då fekk vi rosa, blå, grøne og lyse minimuffins;o)

Eg vil tru den vil bli flittig brukt, då muffins er ein favoritt i heimen, med eller utan glasur og krem;o )

Mysteriestrikk, lydbok, papirbok og alvebroderi i tillegg til jentene var godt selskap på båten og her er resultatet av øktene med strikkepinnane. Reine festsokkar!! Etter vask er dei blitt mjuke og gode å ha på.

Eg trur dei må vere "til best". 

Eg kjem framleis til å sette umåteleg stor pris på sokkane eg er så heldig å få av søstra mi, då det ikkje blir mange sokkepar eg kjem til å strikke.

Det er eitt par til eg skal lage, og det er desse Ladysokkane. Dei vil passe svært godt til kjolane mine, berre eg finn den rette fargen som kan passe til alle......;o) Viss ikkje må eg lage fleire par......;o)

Den kalde dagen gjekk vi på oppdagingsferd i Bergen. Vi tusla rundt i gatene og fann nokre kjekke kafear som vi prøvde og som vi gjerne kan besøke ein anna gang.

Kanskje alt om ein liten månad, i samband med årsmøte til NQF;o)

Gjer dagen din god!

Testing, testing....

Eg kjøpte for ei tid tilbake ei slik linjal. Eg har prøvd den litt tidlegare, og no tenkte eg å teste den litt meir.

Til no er det blant anna denne eg putla med. Det vart ein blome, ei strålande sol eller noko slik....;o)

Det er kjekt å sitte slik og ikkje ha noko fast mønster, berre kutte, sy, prøve seg fram og sjå kva det kan verte.

Utgangspunktet var ei dresden plate, og med nokre legg vart det ein blome.

I gul-oranjse stoff ville det verte ei strålande sol! Det kan vi trenge no!!! Kanskje det blir det neste.....;o)

Denne gangen vart det restefest....Eg hadde nokre restar av hjerteteppet og dei er så fine at eg har lyst til å lage meir av dei.

Det vart nok ei mappe med gla'pynt;o)

Men no er det pakketid. Eg er heldig for eg skal få vere med eldstegullet og to venniner på Bergenstur;o)

Då er det broderi og strikk som gjeld på handarbeidsfronten.

Kanskje får eg ferdig siste mysteriesokken denne helga;o )

Med ekspressbåttur i over 3 timar kvar veg, kan eg sette meg godt til rette med handarbeid og nyte turen!

PS!
Tips til kjekke opplevingar i Bergen tek eg gjerne i mot....

Eg ser føre meg litt aleinetid. Det er vel ikkje alltid like kjekt å drasse på mora når ein er på venninnetur....;o )


Gjer dagen og helga di god!