God tur!

To av mine to kjære er på tur i pinsa. Dei reiser lett, i vert fall heimanfrå....;o) Då tenkte eg at dei hadde bruk for desse kjekke toalettveskene.

Dei er ferdig med første etappe på landevegen og er kome ombord i flyet og på veg ut i verda;o) Eg veit dei vil få ei super langhelg.




"Kun håndbagasje" frå My Quilt var kjekke å sy. Forklaringane er lette å forstå og enkle å følgje. Dei er dyktige, dei to damene bak bladet!

Og med slike fine stoff  vart det endå kjekkare;o) Dette er stoff som eg har kjøpt, berre fordi eg synes dei er fine, og ikkje til noko spesielt prosjekt. Men med slike kjøp, i dei fargane og mønster som eg likar godt, finn eg alltid noko frå lageret som eg kan kombinere...

Då innsida av veska er i plast, brukte eg ein kontrastfarge på undertråden slik at quiltinga pyntar innsida av veska.

No brenn eg etter å komme inn på syrommet, for eg har nok eit prosjekt på gang. Og det blir spennande å sjå korleis det blir når eg får sydd saman nokre lappar.....;o) De får sjå om litt.....;o)

Gjer dagen god!