KVARDAGSGLEDER...

Februar...

2012-02-02T10:13:00.000+01:00

Lyset og sola har kome tilbake!

Vi har hatt begge deler i fleire dagar. Det å kunne følgje veslegullet til skulen om morgonen medan det lysnar og ein ser blå himmel med rosa skyer på, gjer utruleg godt!

I går tenkte eg at våren er på veg. Ikkje fordi det var vårlege temeraturar, men fordi sola var framme og det var bare flekkar i snøen.....

.....I dag er det vinter.... Snøen lavar ned, men det er heilt greitt berre sola kjem fram att;o) Våren kjem når den kjem, om litt.

Eg veit at det blir mange glade ungar når vi no endeleg får litt snø. Berre den blir liggande og sola kjem fram att..... Regn kan vi klare oss godt utan.

Eg er vel og våryr på grunn av det nye strikket mitt. Det minner meg om vår! Glade, sterke fargar!
Det er meg det.....;o)

Gjer dagen din god!

Fint ferdig!!;O)

2012-01-31T18:38:00.002+01:00

Så er eg ferdig med hjerteteppet mitt! De er vel lei dette no, det er ikkje eg!;o)

Det har vore kjekt å lære denne teknikken av Helle C.E. Løvenskiold i oktober.

Vidare var det kjekt å quilte det sjølv og glede seg over alle dei kjekke stundene med nydeleg stoff og fargar i hendene. Stor takk til Wenche hos Northern Quilts som tok utfordringa og fann alle dei flotte stoffa!

Det varma godt medan eg sydde lukkekanten og no varmar det hjertet mitt å ha fullført det og at eg kan henge det opp på veggen;o)

Det er til og med flott i solskin!

Det er quilta med rette saumar, nokre gangar i "grøfta" i hjertene og nokre gangar i striper i blokka rundt hjertene.

Kantane har og rette saumar med ein inc mellom kvar saum. Eg tenkte at eg ville ha ei enkel quilting då hjertene skulle ha fokuset på dette teppet.

Og så likar eg slik quilting, i striper gjerne tett i tett. Det gjev ei tøff effekt på arbeidet.

Jepp, eg er nøgd og kosar meg og nyt det nye teppet mitt! Gliser frå øyre til øyre.....;o)

Det er ei glede å få til nye teknikkar og å kunne gjere alt sjølv.

Det blir som ungane seier; "klare sjølv"!! ....og mitt smile er minst like stort smil som dei har når dei meistrar noko nytt!....

Gjer dagen din god!

Søndagsinspirasjon....

2012-01-29T18:34:00.001+01:00

Eg har sydd på ein lukkekant nokre stunder, no og då, og ser snart i enden på prosjektet med Buggy Barn hjertene.

Eg hadde vore ferdig med det no om eg berre hadde arbeidd med det, men slik er eg nok ikkje..... Det er ingen hemmelegheit.....

Tusenvis av idear dukkar opp og nokre av dei surrar rundt lenge nok til å bli noko av.

... og så må eg berre prøve, for å sjå om det blir slik eg har tenkt.... Nokre gangar kjem ideane pga. eit stoff, mønster eller fargar.

Andre gangar ser eg eit mønster og må berre.... , medan eg syr kjem andre idear. Så endrar eg litt, tilpassar litt, og får noko nytt inspirert av mønsteret eg starta med.

Er det andre som har det slik??

Eg har eit lappeprosjekt på gang. Her er ein liten sniktitt...... Det går visst i lyse fargar for tida, med nokre fargeklattar inn i mellom.

Det er kjekt å kunne ha litt stoff på lager når lysta til å sy melder seg.....
Desse stoffa er plukka frå det lageret;o)

Men no vil eg strikke litt, eg held visst på med nokre sokkar.... Eit mysterium seies det.....;o)

God søndag!

Gjer dagen din god!

Praktiske, brukbare gåver....

2012-01-28T12:23:00.001+01:00

Mellomste har vore i bursdagsselskap til to klassevenninner. Då ho kom heim med innvitasjonen var det og med eit ynskje om gåva......

Dei vil då gjerne ha pennal....;o) Det smeltar eit kreativt morshjerte at jentene vil ha slike og at mellomstegullet vil gje dei det.

Eg fekk vite kva fargar som vil falle i smak. Eit godt utgangspunkt for oppgåva;o)

Eg plukka i lageret mitt og fann nokre fine fargerike stoff, nokre ugler sneik seg og med denne gangen....

Fargerik glidelås er kjekt til slike prosjekt. Eg gledar meg over å boltre meg i fargar!;o)

Namnet på mottaker må og vere med, det er stas og ingen tvil om kven som eig det!

Desse pennala/ boksane kan varierast i det uendelege. Denne gangen varierte eg med å ha striper i tre stoff på det eine.

Ei stripe på tvers i ein kontrastfarge og enno eit anna stoff til kantar ved glidelåsen "gjer susen".

Det andre er laga av 6 kvadrat med ei stripe imidten, som dannar botnen.

Eg har funne ut at silkebanda som ofte er i skuldersauman på nye gensarar eller blusar er fine å bruke om att.

Denne gangen har eg brukt dei som "hankar" ved glidelåsen.

Andre gangar knyter eg dei i glidelåsen med knappar eller perler på. Det er i passe lengde og smale nok til å tre perler eller kanppar på.

.....Hmmmm her var innebilete, ja, ja du ser rette fargen over.

Mellomste gullet og mottaker er nøgd og då er det kjekt å lage gåver!

Gjer dagen din god!

Pausesaum.....

2012-01-25T22:31:00.000+01:00

.... er fint;o) Det var kjekt å sy på eit mindre prosjekt.

Eg fekk vite kva fargar som skulle brukast og elles frie tøylar;o)

Mønsteret har eg sydd før, og det er eit kjekt og enkelt mønster.

På mønsteret skal det vere knappar på hjertene.

Eg laga ein liten vri, då eg ikkje er så glad i knappar på løparane.

Det kan verte skummelt om det skal vere lys, koppar og slikt på bordet, opp på løparen ......;o)

Nokre korssting der i mot, er ikkje så mykje i vegen;o)

Eg fann og eit kjekt bakstykke-stoff. Det er ideelt til slikt bruk, og eg synes det pyntar litt og.

Ein kommentar eg fekk var denne: Den er jo like fin på baksida, jo! Den kan brukast på begge sider.....;o) Kjekt det, og det er valfritt;o)

Det er ein kjekk løpar. Og jammen sneik det seg inn eit hjerte eller to i dag og ....;o )

Eg har og kome vidare på teppet, og er no klar for handsaum! dvs. lukkekant i lange baner;o)

Det vil ta nokre kveldar, men eg er på god veg til å få teppet på veggen!
Å, eg gledar meg!!!! ;o) ;o) Jepp, det blir hansaum for alle penga i nokre kveldar no;o)

Og tusen takk for alle kjekke kommetarer! Det er koseleg med tilbakemeldingar;o)

Og velkommen til nye følgarar, det er kjekt at de ser innom meg;o)

Gjer dagen din god!

Laaaaaaang dags ferd.......

2012-01-23T19:49:00.000+01:00

Ein lang dag har blitt kveld og eg har ein liten siesta i sofaen før siste etappe.

Mange små og store avtaler etter kvarandre har gjort at eg har vore inn og ut av huset i heile dag.

Etter ei lita pause er det kvelds og leggetid for dei minste deretter er det slumretid i sofaen for meg. Eller eg kan finne meg eit strikk slik at eg held meg vaken ei stund til før eg kan hoppe til køys;o)

Med eit auge på strikket og eit på fjernsynet blir det ein god ende på dagen;o)

Forrige vekes strikkeetappe enda i to hælar og denne veka er det foten som skal strikkast.

Det er ikkje ofte eg strikkar sokkar, men desse har vore kjekke å strikke.

Det er nok fordi det er mønsterstrikk heile vegen og det er kjekt å sjå mønsteret vekse fram. Berre ein pinne til..... og så ein til.... og endå ein..... ups har klokka blir så mykje......

Er det nokon som kjenner seg att?......

I går var ein nydeleg dag!
Det var sol og med snøen som vi fekk tidlegare i helga vart dagen lys og fin.

Eg starta på syrommet med "pause-saum" som planlagt. Kjende at det var greitt med eit mindre arbeid, så teppet fekk kvile.

Ut på ettermiddagen vart lysta på å vere ute i sola større og større, eg fekk på meg sko og klede og fekk meg ein god time i skogen. Nydelg med frisk luft og til tider sol i fjeset

Det er utruleg kor mange flotte motiv eg finn, spesielt i solskin......

Nydelege fargar.

Til og med dette hjertet fann linsa mi! ... eg har sagt det før, hjerter har det med på dukke opp hos meg......;o)

I morgon blir det teppesaum. Eg kjenner at eg har fått "blod på tann" no når det nærmar seg ferdig....

Må berre sjå korleis det blir...... og korleis blir det om eg gjer slik......og skal tru korleis det blir med lukkekanten...... det er berre ei løysing på det;

Sy litt til.....;o) Men det er i morgon....

Gjer dagen din god!

Phhuuuuuh....

2012-01-21T20:17:00.001+01:00

Det er tungt dette! Tungt for skuldrane, så det må mange små pauser til.....
Eg trur det får vere nok for i dag.

Eg har blitt inspriert av Laila, som ikkje har blogg..... enno;o) .... og som har fått sitt teppe ferdig.

Kankje får eg legge ut bilete av hennar teppe når eg har fått teke det i "augesyn", som det så fint heiter....

Eg har sett toppen då den var ferdig, og før det vart quilta. Men dei brukar å forandre seg mykje med quilting og lukkekant.

Her har eg teke golvet i bruk for å gjere teppet klart til quilting.

Bakstykket er festa til golvet med maskeringstape, så er vatt lagt på og til slutt toppen.

Mange nåler er festa og for å vere heilt sikker vart quilten og tråkla litt.

Som du ser får den noko tøff behandling og blir snurra og vridd både hit og dit under quiltinga så difor tenkte eg at det var greitt med begge deler.

Det er eit stort teppe og eg gledar meg verkeleg til å få henge det opp på veggen, men det skal fleire sting til og enno nokre pausar før det er ferdig...

Veggen er klar og berre ventar på teppet.....;o) og no er det på veg.

Eg blir meir og meir glad i desse fargen og synes dei er flotte saman.

Eg tenkte eg skal kombinere litt og nytte ein del av pausene til å starte på eit nytt prosjekt, som er mykje mindre og lettare!

Det er kjekt å kunne sy noko for andre. Veldig kjekt at andre kan ha nytte og glede av min hobby;o) Det trur eg må bli dobbel glede;o)

Eg trur dette kan bli fint saman;o)

Gjer dagen din god!

Vinter ute .... eller inne .....

2012-01-19T12:14:00.001+01:00

I dag haglar det, slik at det blir kvitt ute. I vert fall ei lita stund.

Men no kan det bli vinter inne .... for denne gjengen har flytta inn... .Dei har plassert seg i vindauga i gangen og kikkar ut på den manglande vinteren.......

Dei ynskjer oss i huset og alle andre som tek turen hit, velkommen!!

Det er nok ein gang Kari som har gitt inspirasjon og mønster til desse figurane.

Dette var eine temaet på kurset ho hadde hos oss i november.

No har dei endeleg blitt ferdige og kan pynte opp og lure fram smilet hos oss.

Det har vore kjekt å lage dei, kleda og pynte dei.

Alle har fått kvart sitt uttrykk. Eg likar det best slik.

Litt restegarn har blitt til jakke, skjerf og lue.

Strikkepinnar eller greiner til armar.....

Ein bit stoff til forkle og skjerf og hjertene, dei finn som oftast vegen av seg sjølv.....;o )

Broderi, knappar og anna pynt har kome til undervegs, det er utruleg kva ein kan bruke berre ein kjem på det.....;o )

Gjer dagen din god!

så gjekk det slik det måtte gå.....

2012-01-17T10:23:00.002+01:00

... eller noko slikt.....

Når eg skulle lage noko av" frøposane" vart det til at eg laga noko som eg likar godt å lage....

Til den første har eg henta inspirasjon frå denne bloggen og denne bloggen

....ideen har deretter modna ei stund og etter nokre kosestunder med symaskina vart resultatet dette.

Ein engel (surprise!!!) av posen med blomkarse.

Ein skikkeleg langbeint hageengel... Namnet måtte berre bli: Majus....;o)

Bein og vengjer er av lerk.

Blonden som var med har blitt skjerf . Eg har og brukt ein bit av den for å binde saman greinene til vengjene.

Håret er kjøpt på snopebutikken;o) fordi fargane passa så godt til kjolen.....

Eg trur denne engelen er litt rampete, den ser i vert fall slik ut.... og klar for ein innsats i hagen... eller skal ho berre støtte seg til riva......;o)

Deretter var turen kome til posen med gulrot.

Eg er svært glad i gulrot, eg knaskar den rå med eller utan dipp eller kokar den lett eller raspar den til middag:o) Gulrotkake har og vore ein favoritt.....;o)
For den er jo sunn, er den ikkje.... i vert fall i namnet....

Eg ville og ha heile biletet med og dermed vart det ein "gamal travar"! Nok ei mappe har sett dagens lys...

Eg er heldig, for eg har fått eit fantastisk grønt stoff som tidlegare var gardiner.

Eg hadde og ein knall raud glidelås som berre ropte etter å bli brukt nett til denne mappa!

Dette er no kombinert med gulrøtene mine. Ei fargeglad og lang mappa med god plass til litt større prosjekt eller saker og ting;o )

Den siste biten av blonde vart knytt i glidelåsen, så no har eg berre att ein liten bit av stoffet med blomkarse. Det tenkte eg å bruke til applikasjon. Ein liten fargeklatt...

Vart dette bestått eller.......???;o)

Gjer dagen din god!

Mysteriestrikk... og mysterieutfordring.....;o)

2012-01-15T12:19:00.000+01:00

I dag har eg skrive ut ei ny etappe.

Det er spennande å sjå korleis mønsteret blir for kvar omgang.

Det er kjekt strikk og nett passeleg lengde/mengde arbeid for kvar veke.

Med nett passeleg meinar eg at eg og kan pusle med andre handarbeid mellom øktene.

Det er kjekt med variasjon på handarbeidsfronten;o)

Som du ser blir det nokre flotte sokkar, denne veka er det hælen som skal strikkast, med mønsterstrikk etter diagram.

Spennande.....;o)

I dag håpar eg på ei god økt med symaskina.

Eg har for ei laaaaang tid tilbake blitt utfordra.

Den har fått modne lenge, i går sette eg i gang.

Eg kom eit stykke på veg og håpar å få gjort meir i dag....;o)

Gjer dagen din god!

Mappesaum....;o)

2012-01-13T18:24:00.000+01:00

Vel, eg har ikkje sete lenge nok til å sy saman kjolen....
Men eg har fått sydd litt, då eldstegullet plutseleg berre måtte ha ei sydd gåve.

Som vanleg...;o) får syerska temmeleg kort frist til det skal vere ferdig, eller skal vi seie seint beskjed om det som skal gjerast......

Eg fekk heilt frie tøylar! Ho likar det lyst og englar og sånn.....var beskjeden.... Vel kva gjer ein då?

Då ser ein gjennom stoffa ein og to gangar. Prøver nokre av stoffa saman med bilete som eldstegullet har plukka ut.

Plukkar fram litt stesj, tenkjer litt, funderer og tenkje litt til. Ser gjennom stoffa ein gang til, går tilbake til det opprinnelege...

Stryk litt, kuttar litt her og litt der, starter å sy, og plutseleg går alt av seg sjølv og vips er ein ferdig..... eller noko slikt.....

Kjekt var det i vert fall, kjekkare enn helgevasken eg er ferdig med om litt...... Etter kaffipausa.....;o )

Berre litt til og så er det handarbeid og god fredagskveld!

Gjer dagen din god!

Hipp, Hipp Hurra!

2012-01-12T18:51:00.000+01:00

Dagane fyk avgarde! .... og ute bles det og godt, eg hadde problem med å gå då eg var ute i byen i dag. I bygene var det luftig, gitt!

Men vi kosar oss inne, for i dag er eldstegullet 16 år! Eg har mimra litt det er vel slikt ein gjer når ungane har bursdag......;o)

Vel, vi har vore heldig med go'jenta vår. Ho er omtenksom, inkluderande, hjelpsom, pliktoppfyllande passar godt på oss i familien både på godt og vondt....;o ) og sist men ikkje minst likar ho og kreative syslar....;o)

Til hausten kjem ho nok til å bli hybelbuar, då ho skal starte på vidaregåande skule. Truleg blir det ein god dose kreative fag på timeplanen;o)

Eg syr nokre få sting kvar dag, slik at eg ikkje gløymer korleis eg skal gjere det.....;o)

Det har resultert i eit nytt skjørt, ....sydd over fleire dagar.... toppen har vore ferdig ei stund.

Eg skal berre sitte i ro lenge nok.... til å sy skjørtet og toppen saman..... Når det er gjort, blir den vist fram her......;o)

Men i kveld er det lasagne på menyen, til ære og glede for eldstegullet!!

Gjer dagen din god!

Restefest!

2012-01-09T19:44:00.001+01:00

Sjølv om syrommet er ryddig og kjekt har saumen uteblitt......

Eg har vore innom, sett meg ned ved maskina og kosa meg over eit ryddig syrom. Eg har teikna, skore og laga til eit nytt saumprosjekt, på quiltebordet til maskina.....,

....og prosjektet er til handaum.... Eg har reparet ei pute til eldstegullet, men ut over det har eg ikkje rørt maskina sist veke.

Dagane har vore fulle av div. prosjekt og dermed er det strikkepinnane og heklekroken som har freista i pausane. Som du har sett er det blitt nokre småprosjekt sidan julehelga, og no er det to til som er ferdige.

Det siste er desse som er restar frå denne. Eg hadde ein rest av stoffet som eg sydde saman på langs, den har lege ei stund på vent, men i dag fann eg inspirasjonen til å hekle ein blondekant på endane. Eit lunt skjerf har det blitt. Kanskje blir det litt meir pynt på, det vil vise seg.....;o )

Helga har og bydd på nokre stunder med strikkety og då har eg laga desse pulsvarmarane. Eg har brukt eit anna mønster enn på kjoletoppen, men i liknande striper etter innfallsmetoden.....;o) Difor er dei to vantane både like og forskjellige;o )

Det er nokre nydelege grønfargar som eg er grådig glad i. Eg har enno litt att og tenkte å sjå om eg fekk endå eit plagg av det.....;o )

Eg har og kome vidare på mysteriestrikket mitt, tenkte eg skulle vente litt med å viser det fram dersom det er nokon som er med og som ikkje har kome i gang enno.

Eg vil ikkje øydelegge gleda over å sjå korleis mønsteret blir til. Men i slutten av veka skal de få sjå det, då er eg gjerne ferdig med begge to;o )

Gjer dagen din god!

Kjekt!!!!

2012-01-06T20:56:00.000+01:00

Dette er kjekt!!

Eg starta på mysteriet i går. Det var ein kjekk kveld;o). Det gjekk så greitt at eg like godt strikka starten på begge sokkane;o)

Trådvalet er som du ser Fabel frå Garnstudio og jammen vart det lilla, ... no vart du overraska tenkjer eg......;o)

No er det berre å vente på neste steg som kjem søndag.

Heldigvis har eg eit anna strikk på lur.....

I helga skal vi feire to flotte ungdommar, det er eldstegullet som blir 16 år neste veke! og mostegullet som blir fjortis! Utruleg! og kjekt;o)

Gjer dagen din god!

Strikkenytt....

2012-01-05T18:00:00.001+01:00

For ei tid tilbake skreiv eg om
nokre strikkeprosjekt eg hadde gjort ferdig i julehelga.

I går vart dei få stinga sydd og mellomstegullet fann den finaste knappen i krukka;o)

Ein bolero til bruk over finkjolen eller ein topp/bluse er klar.

Den er strikka etter same modellen som denne, men med anna mønster.

Eg har og brukt den same tråden i begge jakkene, i dei to gulla sine favorittfargar.

Lette og luftige jakker til finstasen;o)

På nyåret har eg og strika ferdig dette skjerfet.
To nøster har eg brukt, men eg huskar ikkje kva tråden heiter. Også dette er eit garn fra Rowan.

Mønsteret har eg funne i denne boka. Det heiter spindelvev.

Eit fint og enkelt mønster i rett og vrangt.

Så då er det nesten tomt i strikkeprosjekt-korga mi.......

Men det varte ikkje så lenge....

... for i dag har eg snopa to nye nøster på den lokale trådbutikken. Eg vart freista over evne og har slengt meg med på dette mysteriet..... ;o) Så no har eg ikkje tid til å skrive meir... Eg vil strikke litt.....;o Gjer dagen din god!

Steikje fin gardin!

2012-01-04T18:58:00.000+01:00

Sykroken er ryddig, så lenge det varer......;o)

Eg har funne fleire fine prosjekt som kan gjerast ferdig..... Det eg har mest lyst å få ferdig er ein kjole og eit teppe.

Eg er godt nøgd med "gardina" mi som er tre knaggrekker frå favoritt-snope-butikken..... skrudd fast i lista.

Her tenkjer eg å henge opp inspirasjon, pynt m.m. det blir nok varierande kva som heng der, og kor lenge det heng der....

No er det kvistar, konglar og ein "prøvelapp" av Anne Beier Finnestad si teikning med symaskin.

Det er kjekt å få inn meir lys til arbeidsplassen, det som ikkje var så kjekt er at vindauget med fordel kan vaskast.... Heldigvis regner og bles det, så eg kan med fordel vente med den vasken.....

Eg syr litt i staden!;o)

Dei flotte boksane mine pynter opp i glaskarmen.

Stoffa er kome i plastboksar, litt inspirasjon i form av nyinnkjøpt stoff ligg framme.

Det er litt vanskeleg å få gode bilete mot vindauget, men du får eit intrykk av korleis der er;o)

Gjer dagen din god!

Ryddepause.....

2012-01-03T17:57:00.002+01:00

Eg har ei lita ryddepause! Måtte berre....

Det er syrommet eller sykroken er på veg til å bli ryddig;o) Det trengs! Etter julegåvesaum og slikt vart rydding nedprioritert. Deretter var det jul og sidan syrommet ikkje ville bli mykje brukt til saum vart det ein midlertidig lagringsplass....

Men no er det vekk med det som ikkje skal vere der, stoff som er lagt til side skal tilbake og jammen forsvant gardinkappa og....

Fram kom ei fin knaggrekke som er skrudd frast til lista. "Gardinkappa" blir då insirasjon og slikt... Bildet kjem om litt, når eg har rydda ferdig.

Bildene i dag har i grunnen ikkje noko med innlegget å gjere... Men eg synes dei er fine. Det er Eldstegullet som har pynta pepperkakeboksar frå Sætre. Innhaldet i boksane var heimelaga konfekt som er gitt vekk i julegåve.

Men no skal eg tilbake til syrommet!

Gjer dagen din god!

Berre litt til.....

2012-01-02T11:04:00.000+01:00

Ein liten ting til, eller to..... Truleg blir dette siste juleinnlegget på ei stund.....

Før jul hadde vi ein kosleleg kveld. Dei to broderia som eg laga brukte eg slik:

Bokomslag til julebøker. Det er forskjellig som kan vere nyttig å huske frå år til år.

Eller koseleg minner ein vil ta vare på....

....... eller kanskje ein rett og slett treng ei notatblokk....

Dei var litt forkjellige då eg hadde eit lite uhell.....

Plutseleg var hjørnet av det eine broderiet kutta av.... gode råd var dyre, eller noko slikt....

Eg valde å legge bitane saman, sy tre-sting-sikksakk over og pynte med blonde..... Kreativitet!!;o)

Denne gangen vart det og hempe til pennen, då er den der når ein treng den.....;o)

Eg er i avsluttingsmodus. Litt av ein start på det nye året....;o )

Eg gjer ferdig div. handarbeid slik at eg kan starte med blanke ark, om litt...;o)

Gjer dagen din god!

Reste strikk og anna strikk.....

2012-01-01T19:56:00.000+01:00

I julehelga har eg strikka på to prosjekt som har vore undervegs på tampen av 2011. Det eine er denne halsen som eg har strikka i Fin 224 frå Du Store Alpakka. Det er i ein varm lillafarge.

Mønsteret ,som er likt på både retta og vranga, er enkelt og lett å følgje. I Fin er det mjukt og lett og ligg godt rundt halsen både i ein og to runder.

Eg hadde og litt restetråd frå tre julegåveprosjekt, som eg forøvrig gløymde å ta bilete av....

Litt av desse restane brukte eg til å strikke desse pulsvarmarane. Eg brukte og litt av tråden til halsen, slik at eg kan bruke dei saman;o)

Begge desse prosjekta har eg funne via denne kjekke bloggen;o)

Det var eit kjekt mønster å strikke, men om eg skulle strikke dei på nytt vil eg strikke dei rundt og ikkje fram og tilbake.

Eg var ramma av "romjuls-giddaløyse" og les ikkje lenger enn til kor mange masker eg skulle legge opp..... og ja eg har lagt vantane feil veg, det ser eg no;o) når eg tek dei på skal eg passe på å få dei rett på....;o)

Det andre prosjektet som har vore undervegs vart strikka ferdig i går. Når trådane er festa og nokre få sting sydd blir det vist fram her.

Då har eg berre nokre få prosjekt undervegs att......;o)

Gjer dagen din god!

Nytt år, nye mogelegheiter!!

2011-12-31T16:44:00.001+01:00

No er 2011 omtrent som denne, avblomstra og brukt.... (ikkje visna, enno....)

Mange gleder har det vore, store hendingar i familien og mange gode kvardagar!

Takk til alle som er innom meg, og ekstra takk til deg som legg att ein kommentar;o) Det gledar meg at du tek deg tid til det!

Håpar vi sjåast att i 2012!

GODT NYTT ÅR TIL DOKKE ALLE SAMAN!!!

Gjer dagen din god!

Mappefint;o)

2011-12-29T19:01:00.000+01:00

Eg er glad i slike mapper. Eg bruker dei til mykje.

Nokre til broderi eg arbeider med. Då har eg alt på ein plass, god plass til broderiet, tråden, syutstyr og mønster.

Nokre til syutstyr som pennar, blyant saks, ekstra nåler m.m. Hendig når ein skal på kurs og sykveldar.

Atter andre blir brukte til div. ledningar til elektronisk utstyr, eller pennal eller rett og slett til gåver.

Slik som denne som havna under eit juletre i år saman med denne vesle mappa. Den er og kjekk;o)

Eg laga meg ei slik i haust og sidan har den hatt fast plass i strikkeposen min. I den har eg nåler og ei lita saks. Mønsteret finn du her;o)

Kjekt når monteringsarbeidet skal gjerast, og kjekt at ein kan sleppe å stikke seg på nålene og saksa når ein leitar etter neste trådnøste i posen.....;o)

Den er liten og "snedden" og kan brukast til mangt....

I veska til myntar eller leppestiften eller til andre småting som er kjekt å samle...;o)

Jau, er har ein lidenskap for slike små praktiske mapper og ser meg ofte bruk i dei.....

Det er slikt ein ikkje kan få for mykje av.....

Gjer dagen din god!

Romjul

2011-12-26T17:21:00.001+01:00

Dagmar har og vore innom Florø. Hos oss har det gått bra, det rista litt i huset og straumen var vekke i ca 12 timar, så vi skal ikkje klage;o)

Romjulsturen heim til mine foreldre vart det diverre ikkje noko av. Der inne har det vore verre. Tre som er blese over ende eller knekte har sperra vegane, straum og tlf/mobildekning er vekk. Når dei får straum og telefon att er uvisst.

Takplater m.m. har blese av så det har ruska godt! Vi var på veg inn, men vart stoppa av søstera mi på veg heim att, dermed snudde vi og nasen heim og ventar på neste storm.....

Inne er det godt å vere, mange kveikte lys, lukta av svineribbe og utsikt til film, handarbeid og vin i glaset i kveld.

Gjer dagen din god!

God Julehelg!!!

2011-12-24T16:43:00.000+01:00

Innspurten har vore travel, men vi kom i mål også i år!!

Håpar du og kom i mål og no kan sette deg godt til rette å nyte godt selskap, god mat og julefred.

Biletet viser julekrybba vår. Figurane har mamma laga og stallen har eine broren min laga. Engleskaren har vakse litt etterkvart. Nokre har eg laga sjølv, nokre har eg fått. Det er kjekt å ta den fram att kvart år.

Og no er det kos, spel og julehygge!

Gjer dagen din god!

Fargefest

2011-12-18T13:13:00.002+01:00

Siste søndag i advent. Ute vekslar det mellom snø og regn. Det er vått, kvitt og litt blått;o)

Inne er det fargefest, julemusikk og fire kveikte lys.

God advent og 4. søndag i advent til deg!

Gjer dagen din god!

Jul og sånn....

2011-12-16T19:39:00.000+01:00

Denne veka har vore full av kjekke aktivitetar og lite tid til blogging.

Eg har hygga meg med god julemiddag i veldig godt selskap! God mat og gode venner er ein flott kombinasjon og kan anbefalast på det varmaste!!

Julekort skal skrivast og sendast til familie, slekt og venner.

Eg har fått oppleve mange flinke pianistar, elevar på kulturskulen, på den årlege juleavslutninga. Det gav og senka skuldrar og tårer i auga, då kom den berømte morskjensla....

Så var det julefest på skulen til minstegulla. Mellomstegullet var med på julespelet og sang solo og du veit, det skal ikkje meir til før mora smiler, har klump i halsen og er rørt til tårer....;o) Ja, ja det er no godt at det er slik og....

Litt heimelaga pakkar er laga og dei bør eg vente med å vise fram. Slik at det blir overraskelse til dei som får dei.... Men ein liten snik-kikk kan de få, så kan de lure på kva det er;o)

Eg har og ein halvferdige sømann, her i dårleg kveldslys.
Ja, ja Kari, den er ikkje ferdig nno ..., men han har smilt muntert i heile desember.

Eg har no innsett at det vil bli ein veldig kjekk julesyssel å gjere den og dei tre andre likesinna ferdig. Denne manglar litt pynt, eg har og ein som er sydd saman, men ikkje vengt og to som berre er planlagde....;o)

Eg veit og nøyaktid kvar dei skal stå å spre livsglede!!;o)

Denne hatten manglar ein snømann, skulle tru hatten har lege her lenge sidan dompappen har laga reir i den......men berre vent, i romjula er det sikkert rolege dagar som kan fyllast med gla'syslar som dette!

Ja, ja no skal eg fram med nål og tråd. Eg vil nytte fredagskvelden til å få enno nokre julegåver ferdige;o) Seinare i kveld blir det gåvestrikk til handballkamp, eg har det godt!

Gjer dagen din god!

Førjulskos

2011-12-13T10:32:00.000+01:00

I går var det møte i quiltegruppa og vi hadde ein koseleg kveld. Det vart servert gløgg, julebakst og julemusikk.

God stemning og glade, kjekke damer var samla rundt bordet. Latterkulene var som vanleg mange og praten gjekk om mange tema, slik det ofte er.

Dei to som hadde ansvaret for temaet denne kvelden fortener applaus!! Dei hadde gjort "det vesle ekstra" berre sjå her:

Denne kom på bordet og eg måtte jo sjølvsagt klemme og tippe på kva som var inni..... Den var mjuk, men og litt hard..... Spennande!

Inni kom dette fram. Stoffbitar til 4 sticheri i to forskjellige stoff.

Mønster til mange koslege stunder med nål og tråd.
Plukka frå nettet, julekort og til og med pakkepapir. Koselege julemotiv i mange variantar.

Til og med nål og tråd var med i pakken og jammen var det ikkje ein twist og!

Og denne koseleg helsinga.

Unni hadde laga flotte krusematter av desse små broderia, til inspirasjon og glede. Hugsa eg på å ta bilete, nei diverre....

Solfrid hadde brukt jordbæret på si krusmatte og hadde pakka og laga kosen, ei god arbeidsdeleing spør du meg;o)

Dei fekk meir enn godkjent og jobben også til neste år......;o)

Dei er gode til å lage ei flott ramme om møtet. Vi kosa oss, senka skuldrane og hadde ein aldeles flott kveld!

Tusen takk Solfrid og Unni!!

Eg fekk ferdig Rudolf'en på møtet og måtte berre forlenge kosen litt til heime og dermed var også snømannen klar. Fin til koselege små julehelsingar.

Gjer dagen din god!

Helgesyslar i desember

2011-12-12T10:29:00.001+01:00

Helga starta med futt og fart. Julehandel kan ein bli matt av.....;o) Litt vart ordna, det meste har vi att;o)

Eldstegullet og min kjære starta helga med juleball og julemiddag. Koseleg samvær med venner og kollegaer. Det er viktig med slike soiale samkome.

Helga har og bydd på julebakst.

Dei to siste sortane er i boks, pepperkaker og kakemenn.

Pynt må vi ta ein anna dag....

Her er det kakemenn som blir forma og steikte.

Dei skal vere tjukke og gode, gjerne litt brune i kanten.

.....også der er vi nok litt annleis....

Mange meiner at kakemenn skal vere lyse og ikkje så alt for tjukke.

Kva meiner du?

Litt saum har det og vorte. Min versjon av Lilla dør sin ide ser slik ut.

Min er på tvers og med eit dryss hjerter;o). Ei lita brikke som no pynter opp i stova.

Pynten kjem, litt etter kvart her i huset... Eg får vel seie at forandring fryder!;o)

Gjer dagen din god!

Juleverkstad

2011-12-09T09:43:00.001+01:00

I førjulstida er det mange slike. Minste- og mellomstegulla har vore på kvart sitt.

Minstegullet kom heim med denne fine lykta i veka som var. Den er enkel og fin. Gjenbruk er fint og sylteglaset er pynta med lim og tråd som er surra rundt og rundt, så eit lett dryss glitter.

Vakkert til telys. Eg tenkjer det hadde vore fint med ein blondekant rundt toppen, men det skal få vere slik som ho har laga det.
Det gjev fin stemning i førjulstida.

Mellomste var på Julehuset, denne kvelden var det toving av julemus .

Ho kom heim med musemor og to ungar. Faren og eine ungen vart diverre gløymt att...... Ja, ja det er mykje ein skal huske før jul, så litt svinn må ein vel rekne med...... Men sjarmerande er dei i alle fall;o)

Ullkuler har ho laga før så det gjekk som ein leik, gulltråd til veirhår og glitrande auger, litt filt til øyrer pluss ein hale er det som skal til.

No sit dei og vaktar og lurer på når julekakene kjem ut av glaskrukkene og kakeboksane her i huset......

Vi har leika med tanken om å lage vår eigen juleverkstad.

Litt papir, lim perler m.m. og surfing på nettet så finn ein mange idear og kan ha ei fin stund med gløgg, frukt og kaker;o)

Det blir stas!!

Her er litt av pynten her hos oss, noko utan om det vanlege men eg likar den, eg......;o)

Gjer dagen din god!

HO, HO, HOOOO....

2011-12-07T09:34:00.001+01:00

Det måtte berre komme, ikkje sant.....;o) Etter ein kjekk kveld i koseleg lag, ein ide, nokre strekar på ei skisseblokk, litt fleire idear og dermed kom denne.

Nisseugle på julesokken. Litt uskuldig og med nisselua på snei.,,, og noko blank i blikket......

Då skulle det meste vere klart, i vert fall på julesokk-fronten. Dei to minste gulla har funne kvar sin favoritt. Nissen og uglenissen er plukka ut.

Eldstegullet har laga sin sjølv, men lurer på om ikkje ho og skulle får ein som mamma har laga.... Difor har det blitt tre, så får ho velje mellom sin eigen eller den litt romantiske som eg har laga;o)

Kjekt har det i alle fall vore å lage desse og endå meir gledeleg er det å vinke farvel til dei raude-filt- lite-pene-snopreklame-julesokkane som eg med gru har hengt opp dei siste åra.....;o )

Gjer dagen din god!

Vinterfint.....

2011-12-06T11:31:00.001+01:00

Så er den flotte julekortstemninga her att!

Den er nydeleg når ein er inne og ser ut,.....

....men når ein skal ut, å gå eller køyre bil og bur oppe i høgda..... då kan det verte litt utfordringar....;o)

Snømåking er ein av dei, men heldigvis har eg gode hjelparar.

Ein rygg som kranglar, passar dårleg saman med snømåking. Det same gjer glatte fortau.....

Men det er lyst og triveleg! Det er kome grus i vegen og på fortauet så det meste er på stell;o)

Litt strikk er ferdig, klar til å feste trådar så litt vask og forming.

Eg likar desse som eg første gang fekk sjå hos Ann Tove.

Dei er passeleg pynta og lekkre å ha på;o)

Noko er undervegs.... Ein er ferdig og nr 2 er kome på pinnen.

Det er så mange flotte møster ein kan prøve og så mange fine, mjuke kvalitetar i tråd og fargar for ein kvar smak....

Så la deg inspirere og finn fram tråd og pinnar;o)

Gjer dagen din god!

Tatt av vinden...

2011-12-05T13:24:00.001+01:00

I dag er det luftig, her på kysten.

Eller med andre ord surt og kaldt;o) Etter å ha vore ute er det godt å komme inn at til fyr i ovnen og varm drikke i koppen.

Eg prøvde og å ta bilete ute i dagslys, difor overskrifta i dag...... Plutseleg var det eit vindkast.....

Eg har lage ein lettare romantsik julesokk.

Eit grovt, strie-liknande stoff med ei røff hekla brikke på. Brikka har eg hekla i melert ulltråd.

Det yndige biletet mjukar opp alt det grove. Ein hekla kant i lin øvst på sokken og litt ekstra pynt og minikuler gjer den yndig;o)

Jau då, eg har fått litt dilla på desse sokkane no, enno ein er under produksjon.

Men først er det trening, middagskos med mine kjære.

Deretter kan det jo hende at eg kan snike meg til ei lita stund med symaskina eller andre julegåveprosjekt på lista....;o)

Gjer dagen din god!

Julegåte del 3

2011-12-04T12:55:00.001+01:00

I dag er det sydag att;o) Del 3 vart plukka fram og toppen er no ferdig.

Den er fin! Det er eit flott mønster, takk nok ein gang til Merete for at du tek deg tild til å la oss leike. Det blir ein vane, ein god vane med julemysterie.

Eg er no på min måte og dermed vart hjertene litt på ein snei.....;o)

Eg har ein plan på korleis eg skal quilte den, men no er det noko som hastar litt så eg må gjere det først....;o)

Gjer dagen din god!

Formgjeving

2011-12-03T16:01:00.001+01:00

Sist veke var mannem min og eg på eit informasjonsmøte på ein vidaregåande skule. Eldstegullet skal velgje vegen vidare og lurer på om design og handverk eller formgjevingsfag kan vere eit alternativ for ho.

Vi foreldre fekk difor info om kva denne skulen kan tilby. Dei har tre forskjellige linjer å velgje i.

Eg kunne gjerne tenkt meg å gått på to av dei.

Det var ei heilt anna retning enn den eg valde når eg var 16 år. Men bedriftsøkonomi er vel ikkje det verste å kunne....;o)

Til vi skulle komme hadde elevane og lærarane pynta og laga desse flotte figurane som vi kunne smake på. Er det ikkje tøft? Skal det vere eit alternativt juletre i år?

Eller kvar med denne søte karen? Freistar den?

Den er i grunnen for fin til å ete.

Men du så kreativt!

Og sjå på desse bedårande sauene!

Blomkål, kiwi, druer og stangselleri brukt på ein alternativ/kreativ måte.

Mat/figurar var laga/dyrka på skulen, på avdelinga for Naturbruk.

Vel, no er det fritt fram for litt kreativ julepynt.....;o)

Gjer dagen din god!

Julegåte del 2

2011-12-02T11:40:00.001+01:00

Dagens gåtesaum er utført;o) Den gjekk som ein leik og snor seg vidare.....;o)

No er det raude og kvite bitar att som ikkje er blitt brukt. Skal det blir applikerte hjerter.... eller stjerner..... eller rundingar..... eller firkantar..... skal vi sy fleire striper? kanskje ugler..... eller .....;o)

Vel, i morgon får vi vite det......

Til så lenge skal eg fylle dagen med saum, helgevask, kos med mine kjære og kanskje smake på julebaksten som kom i hus i natt.

Ein kjekk kveld saman med 6 andre damer. Prat, latterkuler, ost, kjeks, gløgg og raudvin i skinet av levande lys er ein fin måte å få dei 7- 8 sortane med julekaker i hus.

Dette er ein fast tradisjon og kan anbefalast på det varmaste;o)

Dette er mitt bidrag, ja, ja, no er det mørketid, det kan ein godt sjå på kvaliteten på biletet......;o)

Gjer dagen din god

Julegåte del 1

2011-12-01T11:39:00.001+01:00

Det er kjekt å finne fram julegåta og neste steg.

Dette var ein kjekk start på dagen på syrommet. Det poppar opp nye idear og blyant og papir må til for å gjøyme ideane slik at dei ikkje bli glømt.....

Heng deg på julegåta det er kjekt, fort og greitt å vere med på;o)

Det blir spennande å sjå kvar det blir i år, kva har Merete funne på no...... skal tru om det er.....;o) Vel om nokre dagar veit vi kva det er i mellomtida kan vi gjette.... Kva trur du?

Gjer dagen din god!

Nisse no??

2011-12-01T09:23:00.001+01:00

På kurset i helga fekk vi og inspirasjon til julesokkar. Eg fall for denne...

Den var kjekk å laga og nye tekknikkar ( i vert fall for meg..) vart prøvd ut. Då er det treet til nissen eg tenkjer på.

Det er alltid kjekt å lære nytt og som sagt før, inspirasjon manglar det ikkje på...

Om du vil la deg inspirere er det berre å ta turen innom Kari/Lilla dør, der finn du mykje flott!

Denne sokken var eg ferdig med, ein til er klipt ut og ligg klar til å bli sydd saman og pynta.Pynten er og gjort klar.

På denne sokker var eg heldig då kanten på sokken var ferdig rakna.... Eg synes den gjorde seg. Det er kjekt å kunne utnytte slike mogelegheiter som berre er der, heilt av seg sjølv.....;o )

Endå ein sokk er i ferd med å ta form, den er på tanke/teikne-stadiet..... og trengjer seg på.....

Gjer dagen din god!

Eg likar mysterie!

2011-11-30T07:48:00.001+01:00

Eg likar godt krim, mysterie og spenning både i bokform/lydbok og som film/seriar.

Frå eg var lita var høyrespel på radioen kvar laurdag noko eg måtte høyre. Både den for dei vaksne midt på dagen og i barnetimen.

Enno er det kjekt å høyre desse, men eg sit ikkje klistra til radioen lenger.....

Men eg er grådig god til å høyre på lydbøker.....;o) Det gjer eg ofte når eg puslar med husarbeid, handarbeid og slikt.

Når eg og kan kombinere lydbokmysterie med Merete sitt mysterie/julegåte, kan det vel ikkje bli betre....

Eg er veldig glad for at ho også i år kjem med leik og moro med stoff og symaskin.

Har du ikkje prøvd desse anbefalar eg deg å vere med. Det er veldig kjekt og kan vere vanedannande.....;o)

Bildene viser mitt stoffval i år. Her har eg kutta bitane og er klar til neste steg som kjem på torsdag. Heng deg på og ver med på leiken, du og!

Gjer dagen din god!!

Reindans......

2011-11-29T12:57:00.001+01:00

Det var utruleg kjekt å vere på kurs!! Ein god lærar med idear i fleng.

Eit oppkome av inspirasjon har Kari alltid med når ho held kurs. Kofferten hennar bugna av kjekke modellar og fine ting vi kunne lage og bli inspirert av.

Eit langbord var fullt av alle dei flotte tinga 11 damer laga i løpet av helga.

Eg gløymde å spørje om lov til å publisere resultatet, så eg kjem til å vise mine ting;o)

Det å få lov å vere saman med kjekke, inpirerande likesinna gjev godt påfyll!

Eg har starta på fleire ting.... det var jo ikkje noko nytt....;o)
Litt har eg fått ferdig og meir kjem etterkvart.

Eg boblar over av idear, så mykje at eg kom ut av teljing av ant repetisjonar gang på gang på treninga i går ......;o)

Desse spreke reinsdyra er inspirert av Kari sine dansande reinsdyr.

Tre held ut dansinga enno, den fjerde må berre ha seg ein kvil....

Eit lite bilete til fryd og glede, i vert fall for meg og kanskje for resten av mine kjære.

Eg har endra på innstillinga for kommentarar på bloggen min, så no håpar eg at de som har lyst å skrive meg nokre ord kan gjere det.

Eg set stor pris på kvar kommentar!

Gjer dagen din god!

Eit lite hus i skogen.....

2011-11-24T22:27:00.001+01:00

I dag har eg kosa meg med endå meir saum. Ei avtale vart utsett og dermed hadde eg nokre ekstra timar til kos og småsaum;o)

Eg har lenge tenkt at eg skulle sy nokre hus. Ein dag var eg så heldig å finne denne bloggen og i dag vart det altså tid til å prøve dette mønsteret;o)

Dei var veldig kjekke å sy og det kan godt hende det blir fleire.

Kanskje nokre a' la meg.... inspirert av dette mønsteret.....

Lista over saker som eg skal sy blir lenger og lenger.... ja, ja det er godt er har noko å ta til.....;o)

Eg var innom ein bruktbutikk og fann ei fin heklebrikke, nett passeleg størrelse til ei nålpute.

Eit fint stoff, passe søtt... og vips så vart det endå ei nålpute.

Både husa og nålputene er levert på Kreativiteten for på søndag opnar julebutikken.

Det er fast tradisjon at den opar etter at julegrana er kveikt første søndag i advent.

Då kan folk komme innom til kaffi og kaker og kikke på alt det flotte som er for sal på bua., så VEL MØTT!!

Fine stoff til baksidene er viktig. Berre sjå her....;o )

Dagen vart avslutta i godt lag på Kreativiteten. Kari/Lilla dør er kome til Florø og i kveld var det kurs i dominostrikk og vendestrikk.

Vi er så heldige at vi skal få nyte godt av hennar selskap i heile helga. Tema for helgekurset er: Vi syr og førebur advent, julehelga og vinteren.

Kva vi skal lage veit vi ikkje endå, men kjenner eg ho rett, og det trur eg at eg gjer....;o), så har ho mykje inspirasjon til oss! Eg er klar og gledar meg stort!

Gjer dagen din god!

Inspirert...

2011-11-23T18:09:00.001+01:00

I går var eg heldig og fekk mykje god inspirasjon;o) av ymse slag.... Kryptisk, men men....;o )

Så inspirert vart eg at eg i dag tok fram teikneblokk og blyant.

Det resulterte i ein haug med sopp. Små, store, lange, korte lubne.....

Nokre av dei overførte eg til stoff. Nok ein gang har eg brukt gode, sterke fargar . Dei vart brukte til å dekorere to bokomslag.

Bøker er putta i omslaga og dei er klare for julebutikken til Kreativiteten.

Fargerike sopp på framsida og silhuett på baksida...

Den eine boka har til og med fått sopp på innsida....

Sjølve omslaget er i lin med fargerikt bomullstoff på innsida.

Den andre har fått lysande, frodige retro soppar.

Eg blir i godt humør av slike fargeklattar og tenkjer at ei bok med slik omslag gjev glede i kvardagen;o)

Håpar det gjeld for andre og.....;o )

Dette vart kjekt og det spørs om det ikkje blir laga fleire ting med sopp på.

Brått og uventa kan dei komme sprettande fram....;o)

Gjer dagen din god!

Utfordring...

2011-11-22T08:45:00.001+01:00

Damene i Sjeive Sting har fått ein rull med stoffstrimlar i varierande breidde og lengde...

Utfordringa var å bruke desse, lage noko du har bruk for og gjerne supplere med andre stoff.

Fram til helga har eg tumla med div. idear... og valget vart dette: Betre oppbevaring av linjalene mine.

Eg sydde saman strimlane, kutta og sydde litt til.

Med litt stiv vatt i "bakstykket" og vanleg platevatt i lommen og to maljer heng denne no på veggen, og eg bør, til ei kvar tid...;o), vite kvar linjalene min er.

Eg har enno meir stoff att så det kjem nok fleire bidrag til denne utfordringa.

Gjer dagen din god!

Søndagskos

2011-11-20T17:11:00.001+01:00

I dag har det vore stille og fredeleg.

Inneveir, ei heller våt helg... men vi har slike fine dagar friskt i minne!

Minstegulla på overnattingsbesøk og eldstegullet i selskap med sine overnattingsgjester der film, film og film sto på programmet, gjer at min kjære og eg kan fylle dagen med det vi vil.....

Litt uvant, men godt av og til;o)

Eg har jobba meg gjennom ein haug med klede som trengde å bli reparert. Ikkje det som er kjekkast, men ganske nødvendig då bunken var blitt temmeleg høg......;o)

Men med godt selskap av ei lydbok, gjekk det unna i ein fei;o)

Deretter kunne eg gjere kjekkare ting, som å klippe ut bitar til applikasjon, øverføre mønster til sticheri og planlegge div. prosjekt.

Eit av desse er dette:

Fargane er heilt feil, men når den er ferdig skal eg prøve å få eit bilete i dagslys slik at fargane kjem til sin rett.

Ein våt, mørk haustettermiddag er ikkje optimal for å få gode bilete....

Strikketoppen er i ein nydeleg varm lillafarge.....

Mjuk, lett alpakka og eit yndig holmønster;o)

Ein kjole til bruk i adventstida... eller rett og slett ein ny yndlingstunika....;o)

Gjer dagen din god!

Klokskap....

2011-11-18T10:28:00.001+01:00

Ein ny alv er ferdig brodert, så då er det berre å vente på neste. På dette biletet var det til og med ei ugle med;o) Ugle er symbol for klokskap har eg høyrt. Bøker kan gje klokskap.....

Livet gjev og ei form for klokskap.... både godt og vondt. Heldigvis er det mest av det gode;o)

Ei ny helg ligg føre oss, utan dei store planane. Då kan vi fylle den med det vi vil og det vi treng, som gjev godt påfyll.

Først skal eg sjå veslegullet og klassa hennar si framsyning for resten av småskulen og forventningsfulle foreldre;o) Det blir kjekt!!

Gjer dagen din god!

Hjarteleg!

2011-11-17T09:55:00.001+01:00

Psssst...... eg er her endå....... Litt travle dagar, både slik og slik;o)
Dette vart kryptisk og slik er det;o) og nok om det.

Eg har og vore saman med damene i Sjeive Sting, det var kjekt!! Vi sydde slike. Det var lyse, raude og lilla hjarte..... og så mine..... Eg er så glad i dei fine stoffa eg har fått, og no har litt av dei blitt til desse.

Desverre gløymde eg å ta bilete av dei andre sine..... ja, ja det var mange flotte variantar.

Hjarta er kome opp saman med ullhjarta mine.

Dei ynskjer alle, både oss som bur her og alle våre gjestar velkomne.... Dei heng i vindauget ved inngangsdøra...... Hjarteleg velkomne til oss!!

Gjer dagen din god!

Søstrene snuse....

2011-11-12T10:37:00.001+01:00

Her kjem dei to siste englene, så langt.....

Det blir nok ei pause no.... Eg tenkjer eg får starte med nokre julegåver.....

Dette er Lille Frø;o)

Ho likar godt fargar, spesielt varm raud.... og ugler.....:o)

Det vakre stoffet i kjolen låg å freista. Det er berre nydeleg

Sjølv om utgangspunktet er det likt, har kvar engel sitt utrykk.

Ingen blir like, slik er det.

Det er lite masseproduksjon hos meg.

Her kjem Brite, ho er sveisen med eit lite skjerf i halsen;o)

Ho er frisk i fargane, sjøgrøn og rosa...

Men dei passar godt saman;o )

Ho har funne fram den varme gode kosekjolen i mjuk velur.

Det er vel på tide å finne varme gode plagg no.

Det er visst haust og nydeleg solskin har vi enno;o )

No er det messe i to dagar, og Eldstegullet er snart klar.....

Gjer dagen din god!

Mamma, eg og vil ha......

2011-11-11T19:12:00.001+01:00

Etter at mellomstegullet fekk dette, kom det raskt bestilling på endå eit frå veslegullet.

Sjølvsagt ville ho og ha ugler på sitt pennal, vi er nok glad i ugler alle tre....

Eg laga det noko mindre og med litt andre stoff i tillegg til uglestoffet.

Ho har sjølv plukka ut stoffa og bestemt kvar dei skal vere. Til og med fargen på glidelåsen er det ho som har bestemt......

.....Ei bestemt lita frøken er ho, det er både godt og gale....

Godt fordi ho veit kva ho vil, men ikkje så godt når vi er like sta begge to, og tida er knapp.....;o )

Men det er bagatellar som vi kan smile av i ettertid, heldigvis!;o)

I morgon er det duka for Florø Husflidslag si årlege julemesse. Eg gledar meg til å kikke, la meg inspirere og småprate....

Eldstegullet er heldig og skal få selje sine varer også i år. Ho har heimelaga drops, kort, ringar, smykker og maskemarkørar m.m.
Her er ho i full gang å pakke og ordne litt av det ho skal ha med....

Det er over 40 utstillarar i tillegg til at laget har eit bord med medlemmane sine produkt for sal. Er du på utkikk etter unike julegåver er Florø Samfunnshus vel verdt eit besøk!

Velkommen!

Gjer dagen din god!

Frøken Snupp

2011-11-10T18:16:00.000+01:00

Her kjem eine søstera til Tussa. Frøken Snupp heiter ho. Ein yndig liten engel....;o ) ca 40 cm lang.

Også denne englekroppen er laga i lin. Den har og armar og bein i lin.

Litt endringar har eg gjort, og eg kjem nok til å veksle mellom lin og hamp til armar og bein.

Overdelen på kjolen er hekla i lintråd.

Skjørtet er i kvit bomull med litt pynt nedst.

Kjolane til begge desse to englane har empirefasong, og rynka skjørt.

Det er kjekt å putle med desse små kjolane. Medan eg held på med ein, kjem idear til nye.....

Vengjene til denne er ei rund hekla brikke. Den har eg forma etter beste evne slik at den passar;o)

Det kjem eg nok til å gjere fleire gangar, men då truleg i andre fasongar - også her har eg nokre idear.....

Eg synes den vart søt og passsar til den lyse, lette kjolen.

Legg du merkje til at det er solys! på biletet? Vi har vore heldig å få nyte det dei siste dagane;o)

Eg likar den rufsete, krølltopp-stilen som gryteskrubben gjev:o)

Den lyse kjolen er nokså ulikt meg og det at eg har laga to stykker på rappen er endå meir ulikt......

....men to småsøstre er på veg og dei er nok meir fargerike.....

Eg har nok fått litt dilla på desse figurane og trur nok at nokre av desse søstrene kjem til å komme på julebutikken til Kreativiteten.

Gjer dagen din god!

Tussa

2011-11-08T17:19:00.001+01:00

Dette er Tussa;o)

Ideen har surra rundt opp i hovudet mitt ei stund, og på turen søndag vart dei siste detaljane tenkt ut.

Etter å ha kome vel i hus sette eg meg til å teikne mønster og sydde kroppen.
Kroppen vart stappa og tynne hamp armar og bein kom på plass.

Ho er litt stiv i krøllane..... Men er elles er ho sjarmerande, eller kva?

Ho er litt romantisk, sjølv om eg nok hadde tenkt meg ho noko røffare.....

Difor vil det nok komme ein røffare versjon om litt.

Namnet måtte bli Tussa, eg tusla trass alt i tussmørke og månelys nedover stien, medan tankar på englekropp, vengjer, armar og bein surra rundt i hovudet.

Eg trur nok ho og er litt lik opphavet!, som til tider kan vere nok så tussete....;o )

Når eg vel var i gang kom det endå fleire idear til kjole, vengjer og pynt til.

Ho kjem difor til å få nokre søstre.... Dei pressar seg på.... Nokre blir lik i kropp og fasong medan andre vil ha andre former....;o )

Så det blir vel endå litt meir engleprat her framover.....

Gjer dagen din god!

Småsaum

2011-11-07T09:55:00.000+01:00

Det er nok ei pause i teppeprosjektet mitt. Eg takkar for tips til vatt og eg kjem til å bruke bomullsvatt .

Det og bakstykke må eg handle inn før eg kan gjere det ferdig.

Eg tenkjer og at eg skal frihandsquilte eit mindre arbeid, slik at eg har det i fingrane att før eg senkar skuldrane og går i gang med teppet...;o )

Eg fekk sydd litt av kvart i går, det er nokre prosjekt som har surra rundt i hovudet ei stund og i går gjorde eg dei ferdige.

Litt ugler flaksa rundt og er no fanga til eit stoff.....;o)

Nok ein gang har eg boltra meg i gamle fine stoff og fargar.

Eg har og sydd nokre nålpute eller puter til pynt. To med hekla pynt på duse stoff.

Den mørke er i lin både stoffet og pynten.

Den lyse er i bomull og har hekla linpynt.

Eg tenkte dei skal komme i Julebutikken til Kreativiteten...

.....Og ei retro nålpute i gla'fargar!

Det er litt putl med dei små bitane, men resultatet blir bra med slike fine stoff!

Denne har eg tenkt å gje vekk;o)

Eg rakk og eit tur på Brandsøyåsen i går ettermiddag, var ute i seinaste laget......

Eg heldt på å mørkne ute, men det var trolsk stemning og etterkvart månelys..... Og eg kom meg vel heim att...;O)

No har eg eit nytt prosjekt på gang så eg har eigentleg ikkje tid til å sitte her.....;o)

Gjer dagen din god!

Slik vart det;o)

2011-11-06T09:27:00.000+01:00

I går sydde eg saman teppe-toppen. Og slik vart den.

Som de ser er det ikkje den måten flest hadde vald. Men eg likte denne måten best.....;o)
Eg er ikkje spesielt systematisk når eg leikar meg med kreative sprell.

Det er det raude som dominerer teppet. Kanten har og sin dose av raudt og lukkekanten skal og vere raud.

Når ramma no er kome på, skal eg finne ut kva vatt eg skal velje, og korleis eg skal quilte det...;o)

Teppet skal først henge på ein vegg, men eg vil ha mogelegheit for å kunne bruke det som sengeteppe eller koseteppe seinare.

Difor har eg fundert litt på kva vatt eg skal bruke. Har du erfaringar du kan dele med meg?

Eg kunne tenkje meg bomullsvatt, men lurer på om den blir for mjuk når teppet skal henge...... Eg blir veldig glad om eg kan få nokre tilbakemeldingar frå dokke;o)

Gjer dagen din god!

Du er ein engel!

2011-11-05T14:00:00.000+01:00

Dette utrykket brukar eg ofte!

Det er mitt utrykk for glede og tekknemlegheit;o)

...og jammen er det mange englar rundt om kring, både med og utan vengjer!

Det, ugler og hjerter er eg veldig glad i.

Eg kjem alltid tilbake til desse figurane og lagar dei no og då.

Denne engelen er strikka, tova og pynta og er på veg til ei som skal feire bursdag. Ho er og ein engel!

Helga er utan store planar, men eg skal nok fylle den med glade syslar.

Tur, saum eller anna handarbeid. Meir skal det ikkje til for å gjere helga mi god!

Slike helgar trengs av og til for å "ta seg inn att" til travle kvardagar og kjekke, travle helgar...;o)
Av og til trengs det berre å vere - stille, roleg og kjenne etter at alt er slik det skal vere.....

Gjer dagen din god!

Gla'fargar!

2011-11-04T18:01:00.000+01:00

Desse stoffa har Laila og eg fått boltra oss med i det siste.

Vi har fått i oppdrag å sy eit teppe.

Det er ei fryd få skape noko i slike flotte fargar.
Kunne sy saman forskjellige spreke fargar og mønstrete stoff er kjekt!

Vi kosar oss og får den eine blokka flottare enn den andre.

Til no har vi fått til desse blokkene, og eg trur vi er omtrent halvvegs.

Det er litt system i blokkene, men ikkje heilt, likevel....;o)

Dei blir nok flytta rundt etterkvart som vi får alle blokkene ferdig....

Jammen er vi heldige som får lov til å boltre oss i ein fargefest av eit teppe og at vi har tid og mogelegheit til å gjere dette.

Nyt fargane, det gjer vi!

Gjer dagen din god!

Kjolefin er fint.....

2011-11-03T17:53:00.001+01:00

Denne kjolen har vore ferdig ei stund og flittig brukt.... Toppen er i ein varm plommeraud farge og har rundfelling som er ein av mine favorittar.

Eg likar så godt fargane både i toppen og i skjørtet. Eg har valt å ha ein kontrastfarge til pynt.

Ein som passar godt til fargane i kjolen, synes eg....;o)

Ein lomme til pynt og nytte har eg sydd på denne gangen.

Det er jo litt praktisk å ha mobilen lett tilgjengeleg til tider:o) og lommen pyntar opp kjolen.

Den er plassert litt på skrå, noko som og passar meg fint.

Litt anna pynt har eg og laga. Den vart til i samband med denne kvelden. Stoff og fargar er inpirert av denne kjolen og stoffet til kjørtet er og brukt i pynten.

Eg ville ha fleire variantar av desse, til inspirasjon for dei andre damene.

Toppen er i ull, kjøpt hos Pamela på Holmen Atelier. Ho har tråd i mange nydelege fargar. Og etter vask blir ulla mjuk og god.

Stoffet er i babyfløyel og er og mjuk og god.

Ei av favorittjakkene mine har same grønfargen som kantane;o). Kolen og og den nye fasongen passar meg veldig godt og fleire kjolar "surrar rundt" opp i toppetasjen....

Eg må få sydd ferdig nokre småting og teppet mitt så eg kan starte på fleire kjolar......, eller toppen kan eg no allereie starte på.....;o) Eg har litt mjuk tråd i nydelege fargar liggande.....;o)

Det passar godt til mørke haustkveldar, levande lys og varm drikke i koppen;o) Haustkos, trur eg det heiter......;o)

Gjer dagen din god!

Fargesprell

2011-11-01T18:51:00.001+01:00

I dag har eg hekla siste maska i dette teppet. Eg starta med det i sommar og tenkte det var eit passeleg ferieprosjekt.

Det har difor vore med meg til Molde og på Danmarkstur, rundt om kring i nærområdet har det og vore.

I haust starta eg med å hekle det saman og etter kvart som teppet vaks har det vorte eit kjekt fjernsyns-arbeid.....:o)

Eg har og denne gangen brukt andre fargar enn orginalen, men det er no ein gong slik eg er ......

I Molde vart det hekla mykje i dagane rundt 22 juli.
Det var god terapi å ha noko i hendene når ein skulle ta inn over seg det son hadde skjedd og bearbeide alle tankane som denne hendinga skapte.

Det å kunne skape noko vakkert når noko så uverkeleg skjedde var terapi. Teppet kjem nok til å minne meg på denne hendinga, dei som aldri kom heim, i tillegg til kjærleiken og omtanken det vekte hos oss alle.

Vakre fargar er det i teppet og det varmar godt. Det har eg kjent når eg har hekla det saman og hekla kanten rundt.

Eg har laga det noko større enn orginalen, Eg har 9 x 12 rekkjer slik at det kan pakkast rundt mesteparten av kroppen, heilt opp til nasetippen om nødvendig....;o)

Når det heng her ser eg at det passar perfekt i fargane til biletet som eldstegullet meinte eg berre måtte ha, .....eg er no einig med ho i det.

Nydelege fargar og ugler seier eg som kjent ikkje nei takk til.....;o) Ja, ja no er haustmørket her og bilete tekne inne blir så som så.....

Eg har brukt Deligth frå Garnstudio til rutene og hekla det saman med Sisu frå Sandnesgarn, det siste berre fordi dei hadde den turkisfargen eg ville ha....

Gjer dagen din god!

Haustsyslar....

2011-10-31T09:40:00.001+01:00

Hausten byr på mykje.....

Solstrålar fekk vi servert tidleg sist veke, og då var det berre å finne joggesko å traske ute.

Eg nyt sola og restane av dei vakre haustfargane og lukta av våt skog med sol på....

Det meste vert lettare om vi får nokre solstreif...., men innekos er og viktig;o)

Eg fann denne flotte hortenisaen hos Kari's Bomster og den måtte berre bli med heim;o)

Saman med levande lys, gjev en ein fin ramme for innekos;o)

Hausten byr og på fest og avslutting av 4H prosjekt. Mesteparten av sist veke var travel for eldstegulla mine....
Den eine hadde mat som tema og den andre saum og design.

Det var nokre stolte foreldre/besteforeldre og søsken som var på haustfest i går. Mange flotte prosjekt var stilt ut og mange flotte 4H-arar fekk utdelt merke og vurdering av prosjekta. Underhaldning og loddsal var og på programmet saman med kaffi, brus og kaker. Ei god stund for alle som kom.

Denne engelen vart gjort ferdig og vart med som gevinst til loddsalet. Eg håpar den fall i smak hos dei som vann den.....;o)

Tusen takk til alle dokke som har lagt att kommentar til teppet mitt.

Det ligg å "modnar" framleis, men eg har nok landa på eine varianten. Kva for ein som er vald kjem om litt....;o)

Og så må eg berre ha med endå eit solstrålebilete..... Vakkert ikkje sant;o)

Gjer dagen din god!

slik..... eller.....

2011-10-28T10:48:00.002+02:00

Pusling pågår..... lappar byter plass og vurderast, merkast og leggast ut att.

Eg kunne nok drive på slik leeeeenge....

Kva er best slik eller slik......

Kan denne plasseringa vere betre.... eller......

Kva synes du??

Vel, det skal få kvile litt no. Eg trur eg skal lage nokre småsaker;o) Byte litt fokus...... medan teppe/plasseringa modnast.....

Gjer dagen din god!

mmmmmm.......

2011-10-26T11:24:00.000+02:00

....... Etter 450 saumar, og eit ukjent antal press med strykejernet og kutt med kniven kan eg no leike meg......

...ja då, eg har ein kontorstol med knall blått trekk på syrommet..... Den er verkeleg knall blå.....

30 stoffbitar har blitt kutta i småbitar og flytta på, bytt plass og sydd saman. Det har vore ei fantastisk helg;o)

Helle C. E. Løvenskiold er ein svært god kurshaldar. Som sagt humor, kunnskap, glede og haugar med inspirasjon, gjer det kjekt å gå på kurs med ho.

Når vi då er ein gjeng flotte damer som vil gå på kurs med ho, blir det berre ei strålande helg!!

Her er ei "juletrelenkje" klar til å bli kutta frå kvarandre. Det å seriesy er topp!!!

Helle byr på kunnskap om kurstema, men og kunnskap og inspirasjon om saum, lappeteknikk, quilting og eigentleg alt vi kunne finne på å spørje om.....;o)

Dette er ein versjon eg kan legge lappane i, men eg skal nok leike meg litt til før eg syr dei saman. Det er nok mange måtar eg kan legge dei...

Flyttar eg på ei rad, blir det slik...... Ser du kva eg har gjort??;o)

Eg er svært nøgd med stoffa mine. Fargane raud, turkis og creme synes eg er vakre saman. Det har bitt nokre slike kombinasjonar i det siste. Og det blir sikkert fleire....

No skal eg ut å nyte sola! og så gjere det dagen byr på.....

Gjer dagen din god!

Kurskos;o)

2011-10-22T23:02:00.000+02:00

Litt oppdatering undervegs....

Vi har hatt ei fantastisk helg så langt;o) Eg reknar med at morgondagen blir like bra!!

Helle er inspirerande, humoristisk, positiv og ein god kurslærer. Ho har geleida oss gjennom teknikken med stø hand!

I går kutta vi stoff og plasserte bitane slik at vi kunne sy i dag.

Det har vi gjort, til tider var det omtrent berre symaskinene vi høyrde. Då var det full konsentrasjon rundt bordet..... vi har sydd, stroke og kutta, sydd, stroke og kutta.....

Det skal og må vere system når vi syr denne teknikken og det terpa Helle på gjennom heile dagen, og vi ser kvifor.....

Her ligg bunken med alle dei raude blokkene mine ferdig.
10 blokker så langt....
I morgon er det dei lyse og turkise som står for tur;o)

Bilde av alle blokkene kjem, om litt..... etter helga ein gang....;o)

Det er utruleg kjekt og spennnande å sjå korleis blokkene blir, difor syr vi, syr og syr spent på neste bit og blokk.....

Gjer dagen din god!

Kreativt påfyll

2011-10-21T10:53:00.004+02:00

Etter 11/2 døgn i loddrett stilling med tepper og dyner, lite handerbeid og mykje søvn og slumring er eg no på føtene att;o)

Feber, snott, hoste og ikkje minst ein intens hovudværk har slått meg heilt ut.

Takk for gode helsingar, det gjer godt når ein er pjusk!

I dag har eg pusla litt med saum og fått ferdig denne duken.

Den er no på plass i loftsova vår saman med putene frå sist innlegg.

Den er ein fageklatt idet lyse rommet.

Eg har nok ein gang leika meg med rettsaum og quilting.

Eg likar denne måten å quilte på når bitane er store.

Quiltinga har blitt til etter innfallsmetoden....

Eg har laga nokre blomar både applikerte og frihandsquilta for å bryte alle dei rette saumane.

Stoffa er så vakre at eg ville bruke mest nogeleg av dei ikkje kutte dei i for små bitar.

I helga skal eg nok ein gang kose meg med hærlege damer, stoff og during av mange symaksiner.

Eg er så heldig å få gå på kurs med Helle C.E. Løvensiold. Vi skal lære teknikken Buggy Barn, og vi skal sy hjerter. Eg vil sy eit teppe i desse stoffa og fargane.

Eg sende materialista til Wenche hos Northern Quilts som tok ut stoffa for meg. Eg er svært nøgd med valet hennar og gledar meg til å sy i helga.

Ho tek gjerne utfordringa med å ta ut stoff til små og store prosjekt om du vil ha hjelp til det. Det var eit godt val for meg, og medan eg vaska og strauk stoffa gleda eg meg over vakre fargar og nydelege mønster.

Gjer dagen din god!

Putefest!!

2011-10-19T12:08:00.001+02:00

I dag går det meste i langsomt tempo... Ei forkjøling gjer det meste litt tungt.

Det går seint å tenkje og gjere ting, men eg har sydd ferdig den siste av to puter på føremiddagen;o )!

Det er halvparten av lappane, som berre vart med heim....pluss 50 cm lin, og litt frå lageret....

Som vanleg har eg pynta baksida;o) Eg likar at den og er fin. Det er kjekt å quilte med rette linjer både tett i tett og etter mønster som her....

Minstegullet har allereie testa den første puta som var ferdig igår....

....og eldstegullet såg og at det var kome ei ny, fin pute i sofaen, slikt gledar eit morshjerte;o)

Eg har brukt ei slik linjal som gjorde det lett og enkelt å lage drestenplater;o)

Her har eg brukt dei største bitane som var att, etter å ha kutta trekantane, og sydd dei saman til ei remse.

Resten av lappane er nesten ferdig. Det er litt handsaum att før bildet kjem her.....

No skal eg kvile litt med handsaum, lydbok, strikk eller noko som eg kan gjere i langsamt tempo.

Det er nok ein dag med inneveir, det regnar og bles ute så eg skal fyre i ovnen, tenne nokre lys og finne eit lappeteppe, tekoppen og ha litt mjukt papir for handa.... Då har eg det godt! Snufs, sufs, atjooooooo! ;o)

Gjer dagen din god!

Lapp på lapp

2011-10-18T09:20:00.000+02:00

Sjeive Sting var samla ei helg for å sy gevinstar til Husflidamessa som går av stabelen 12-13 november.

Messa er ein årleg tradisjon i Florø og samlar mange dyktige handtverkarar. Det er ei lett blanding av alle slags handarbeidsteknikkar, trearbeid, keramikk, glaskunst samt tradisjonsmat for sal.

Loddsal og åresal er og ein del av messa. Eg nyt desse to dagane og får mykje inspirasjon. Det er ein fin plass for julehandel....

Damene i Sjeive Sting starta laurdagen med bunkar av stoff og i løpet av helga og veka etter vart dette teppet til.

Quilting og lukkekant vart til i racerfart i veka som var. Sist søndag var det ferdig.

Her er detalj frå baksida av teppet....;o)

Av restane frå teppet vart det laga ein løpar......

.....Rutenett og striper i kvar ende....

ein englequilt......

Med gode ord .....

....og ei pute er undervegs.

Litt for ein kvar smak skulle eg tru. Fleire gevinstar er laga eller er undervegs i quiltegruppa. Mange flotte gevinstar gjer det kjekkare å kjøpe lodd/årer......

Ta gjerne turen til Florø og Florø Samfunnshus denne helga og la deg inspirere og kanskje har du vinnarlukke?....;o)

Gjer dagen din god!

Eit sting og eit til....

2011-10-17T12:20:00.001+02:00

Det har vorte mange sting på desse fine alvebileta mine. Nr sju er ferdig og nr. åtte ligg klar...

Det er fine fargar og fin strek i desse bileta. Eg gledar meg til alle er ferdig og eg kan legge dei ut over saman med stoffa til rammene.
Då skal eg pusle stoffa saman og lage alveteppet mitt. Det blir spennande å sjå korleis det blir når det blir ferdig. Enno er det sju broderi, ein haug med broderigarn og 3x7 stoffbitar som skal bli til eit ferdig teppe.

Mykje godt arbeid med andre ord;o)

Når eg har brodert har eg mangla ei nålpute.

Til eldstegullet sin frustrasjon har armlena blitt brukte til nålputer og ho har sett i nokre hyl....

Men no er det slutt på det!

Eg har laga meg ei nålpute i nokre av mine vakre retrostoff. Den kome med i broderiposen og no er det orden på sakene....;o)

Gjer dagen din god!

Gåve, til meg sjølv

2011-10-15T13:14:00.000+02:00

For ei stund sidan forelska eg meg heilt i nokre hjerter og posar som Sonja med bloggen Det blå huset lagar.

Eg valde nokre fargar og stoff som eg kunne tenke meg, og vips så kom dette i posten.

Heldige meg fekk denne tilsendt på bursdagen min, det var tilfeldig....

Ein flott pakke!

Inni var desse tinga:

Nydelege hjerter som Sonja kreerer i flotte retrostoff med ein fin heklekant rundt.....

Dei prydar no kjøkkenet mitt og eg gleder meg over dei kvar gang eg ser på dei.

...... og ein super, og for meg, nostalgisk pose.

Den er allereie i bruk til eit av mine mange prosjekt. Den og lokkar fram smilet;o)

Sjølv om dei minste jentene og synes den er fin er det mamma som brukar posen, enno......;o)

Heldige er eg som kan finne slike skattar!

Gjer dagen din god!

Gode dagar;o)

2011-10-13T09:14:00.002+02:00

Her er det haustferie og full fart! Eldstegullet og to venninner arrangerer 4H Matskule for 18 ungar frå 3 - 7 kl. Det er fullt program frå kl 9 - 15. Der lagar og et dei frukost, middag og kake til dessert.

Mellom matlaging, måltid og rydding er det aktivitet enten ute eller i gymsalen. Det er dyktige ungar som er i sving.

Minstegullet og eg var så heldige å få vere med på tirsdag. Då var det laksepasta og marsipankaker som sto på menyen.
Som du ser er det mange ivrige hender i sving for å lage marsipanpynt.

Kakene vart imponerande og overdådige. Diverre har eg ikkje fått overført bilete til Pc'en. og kameraet er med på siste dag av matskulen....

Haustferien byr på dagsturar og venninnebesøk for minstegullet og meg, inn i mellom byr den og på pausar med handarbeid og systunder.

Eg vart feista av Ann Tove før helga og eg måtte berre.... Så no har eg nokre nydelege pulsvantar å pynte meg med.

Eg har strikka dei i Lace frå Garnstudio og kidsilk haze frå Rowan. Dei er nydeleg, mjuke og heilt kløfri, for dei som treng det...;o)
Eg kjenner at det er tida for å finne fram ullkleda att....

I helga var vi samla for å sy. Vi har starta på fleire ting men dei er ikkje heilt ferdige enno.
Noko vil komme her etterkvart..

Eg måtte kjøpe ny lyspære til symaskina mi og tusla opp på den lokale sybutikken. Lyspære fekk eg ikkje men........
Desse vakre stoffa fann eg..... Det var 20 forskjellige Tildastoff i 16x16 cm, to bitar av kvart stoff.

Eg klarte ikkje å la vere å bruke dei med ein gang...

Halve pakken er no kutta og sydd saman og sydd fast til eit bakstykke.

Planen er nye putetrekk. Resten av pakken har eg og planar for, og om litt får eg nok litt kvalitetstid med symaskina.....

Gjer dagen din god!

Rosa natt - vognteppe

2011-10-09T19:23:00.000+02:00

Ei flott dame, som eg har vore saman med i helga, har laga dette vakre vogneppet.

Er ikkje dette fantastisk! Eg måtte berre vise det fram.

Nydelege fargar og prikken over i'en er dei grøne stilkane.

Ho har teke utgangspunkt i mønsteret til løparen Rosa Natt av AnnaKa og teikna og justert det så det passar som vognteppe.

Eit flott arbeid som heilt sikkert kjem til å glede mottakarane og vere vakker pynt i vogna!

Teppet er vakkert komponert og med mange flotte detaljar!

Perler og blonde pyntar opp saman med applikeringar i både svart og kvitt.

Eg synes blomane i dette mønsteret er nydelege. Eg trur eg har endå eit prosjekt på "vil gjerne lage lista".....

Gjer dagen din god!

Kveldssyssel

2011-10-08T20:59:00.000+02:00

Fredagskvelden vart brukt til leik med stoffbitar, ull, silke, knappar, perler og blonder. Vi var 6 damer som koste oss med kreativ leik.

Er ikkje resultatet flott??

Desse kan brukast som nåler, pynt på vesker, quiltar, armband, smykker m.m. Det er berre å bruke fantasien. Alle dessse damene er utruleg dyktige og kreative og lagar dei flottaste ting.

Endå eit sett med Mug Rugg'ar er ferdige. Ei "ny" julimånad er dokumentert..... Flotte stitcheri og nydelege fargar. Er ikkje også desse flotte?

Det er kjekt å vere saman og skape noko saman. Det gjev positivt påfyll og positivitet er VIKTIG!!!

Gjer dagen din god!

Haust

2011-10-07T22:22:00.001+02:00

No er hausten komen for fullt. Det bles så huset ristar og det er kaldt i huset. Då er det godt med fyr i omnen. Det lunar godt.

Lauv og barnåler ligg strødd ute og vitnar om at hauststormane er i gang.

Men det er no litt koseleg å kveike lys, brygge te og kose seg inne. Ein luftig tur ute og inn att til te og kos.

Etter litt husvask denne veka har eg henta fram att sterke fargar i dukane.

Vekke er dei lyse dukane og fram med gode fargar. Eg har og plukka fram mange lys, i alle variantar, dei blir flittig brukt.

Helga skal og brukast inne, symaskin, liljal, kniv, stoff, god mat, gode samtaler og latter. Alt ligg til rette for gode dagar!

Hausten er ei god tid for små og store prosjekt inne.

Vår og sommar er kjekke og vi lengtar etter sollys og varme. Men haust og vinter har sin sjarm, turar ute med mykje veir og kos inne med lys, te og handarbeid . God musikk eller lydbok og familiekos det gjer godt!

Gjer dagen din god!

Halvvegs....

2011-10-05T09:44:00.000+02:00

I går fekk eg gjort ferdig denne alven. No har eg brodert seks stykker og har seks att. Det er eit kjekt arbeid.

Eg har allereie starta på den sjuende, eg er kome litt på etterskot i sommar.

Den åttande er på veg i posten og det hadde vore kjekt å komme frampå att. Det går nok bra, hausten er tida for fyr i omnen, levande lys og kjekke handarbeid. Etter ein tur i frisk luft (regn og blest....) er det godt å komme inn i varmen att og sige ned i sofaen med eit handarbeid. Det er godt vi har varierande årstider med kvar sine gleder!

Gjer dagen din god!!

Helgelukke...

2011-10-04T09:56:00.001+02:00

Vi har hatt ei kjekk helg med mange gode opplevingar! Tur til Bergen gjev godt påfyll i mange variantar.

Helga starta med bursdag for min del og flotte gåver, blant anna desse to. Eg har ikkje teke meg tid til å studere eller sy noko endå, men det skal bli ei råd med!

Dette programmet har eg hatt lyst å prøve ei stund og no ventar mange kjekke timar med ny kunnskap. Er det nokon som har prøvd det og kan gje meg tips så tek eg gjerne i mot det!

Det er ingen hemmeligheit at eg er svak for ugler.... og ei god venninne veit nett det og gav med desse vakre stoffa og serviettar som passar til. Det er ei lukke å få dei og noko fint skal det bli av stoffa!

Idear har poppa opp i løpet av helga, det manglar ikkje på dei....

Skal tru om ein kan ha servietter berre til pynt.....;o)

Dåpen i helga var i Johanneskirken, ei vakker kirke og ein fin sermoni for veslegullet. Ei nydeleg tulle med store, vakre, brune auge!

Dagen vart feira med familie og venner. Det er alltid hyggeleg å treffe både familie og venner av foreldra. Det gjev rom for kjekke samtaler, latter og saman med god mat blir det ein hyggeleg dag.
Dog noko travel for foreldra til dåpsbarnet.....;o )

Eg lagde denne vesle veska til veslegullet. Tenkte den var fin til oppbevaring av smykket som og var ein del av gåva.....

Eg likar så godt fasongen på den og den kan brukast til mangt.

Den kan lagast med og utan broderi alt etter kva eller kven som skal ha den....

I Florø er det litt vind i dag og noko grått, det blir nok stort sett innedag og kanskje blir det litt saum på meg.....

Det knakar litt i veggane, og det er fyr i ovnen, så det minnner om haust, gitt......

Gjer dagen din god!

"Likkjegullet"

2011-09-30T12:21:00.001+02:00

I helga skal vi få vere med i ein barnedåp. Det er ei nydeleg lita tulle som skal døypast og vi er heldige å få vere med.

Det blir kjekt å vere saman med dei på den store dagen.

Eg vil så gjerne lage noko til ho, og her er ein sniktitt.....

Gjer dagen og helga di god!

Valgets kval.....

2011-09-28T10:24:00.000+02:00

Ein ny kjole/tunika er på veg....

Overdelen er ferdig. Enkel rundt bærstykke med kontrastfarge og litt pynt. Den er i glattstrikk og kanskje kjem det litt pynt på den....

Tråden var kjøpt inn til eit rutet ullstoff. Men det stoffet blir eg ikkje fortruleg med... Det er for skikkeleg for meg!;o)

Så no har eg funne fram nokre av dei andre fine stoffa mine, så blir kjolen slik at den passar meg....

Eg tenkte å prøve ut ein ny fasong... og då blir det litt tankearbeid.

Eg er "inne i ei boble" klarar ikkje heilt å gje slepp på tankane om korleis eg vil at kjolen skal sjå ut... og kikkar etter idear, teiknar litt...

Etter endå litt tankearbeid er eg klar til å klippe å sy.... og til slutt pynte;o) Eg er litt distre i denne fasen, det merkar nok dei som er rundt meg.....;o )

Undervegs gjer det godt å tenkje på noko heilt anna, medan tankane "go'gjer seg";o) og dermed vart denne til....

Eg har ei nål på baksida og festa den til genseren min.

Vi har informsjonskveld om 4H og då skal eg lage noko saman med ungar. Det må vere enkelt og kunne lagast på kort tid.

For meg er det viktigast å kunne vekkje skapargleda.

Det å få klippe, blande fargar, stoff, perler, paljettar er kjekt.

Det å lære å bruke nål og tråd og sjå at ein får til noko er endå kjekkare!

......Og for nokre gode samtaler ein får med ungar når ein sit slik!

Det var ein kjekk kveld og eg er heldig for eg skal gjere det same i dag!

Gjer dagen din god!

Ny veke nye mogelegheiter!

2011-09-26T11:02:00.001+02:00

I dag har lyst til å gjere alt, eg boblar over av energi!! Det er godt å kjenne det;o)

Vi har hatt ei fantastisk helg heime hos mine foreldre. Den gav godt påfyll!

Eg var så heldig at mamma og eg kunne lage gode kjøttkaker saman. Hjortekjøt og litt svin blanda med gode krydder gav ein haug av kjøttkaker. Hald deg fast, 8 kg.....

Ho viser og deler oppskrift og eg hjelper og syg til meg kunnskap og gode tips.
Forming av kjøttkaker og steiking fekk eg taket på....;o ) Det andre er notert og kan plukkast fram att ved seinare høve;o)

Kvelden og søndag gav rom for godt samvær med mine brødre og deira flotte, kjekke familiar, min kjære og jentene, samt mamma og pappa.

Det er alltid kjekt og eg nyt dei stundene med god prat, mykje latter og å kunne vere saman med heile den store, gode familien min.

Den flotte rosa på biletet skal no få komme inn, for ute regnar og bles det, men vi ventar med glede på seinsommaren som skal komme ut i veka....;o)

I mellomtida kan eg lune meg i denne gode jakka i alpakka. Eg har brukt dobbelt garn. Nok ein gang frå Garnstudio.

Den er lang og god og stripene muntrar opp kvardagen og jakka;o)

Kantar og knapper vart til ved innfallsmetoden, og eg godt nøgd;o)

Eg er veldig glad i denne forma på overdelar.

Eg bruker den til jakker, genser og overdelar på kjolane mine og den ligg så godt rundt skuldrane.

Det er godt å krype inn i eit slikt plagg på kjølige dagar.

For meg er det ull eller alpakka som gjeld, eg er ikkje glad i fleese..... Det klør eg av....;o )

Her er eit lite nærbilete av striper, knappar og mønster.

Det vart mange ord og mange bilete i dag....
....men no er det slutt for denne gang.
Det er no ein gang slik at det hovudet er fullt av renn munnen over med;o)

Eg skal starte i ein ende av alt det andre eg vil gjere.

Tida vil vise kor langt eg kjem;o)

Gjer dagen din god!

Lappelukke...

2011-09-23T09:13:00.000+02:00

Den eine saumen er no blitt til fleire og eg er ferdig med den fyrste blokka.

Eg er godt nøgd med den og kosar meg over dei flotte, fargerike stoffa eg "snubla" over i sommar. Dei passar flott til dette arbeidet.

Eg gledar meg til neste møte og neste blokk. I mellomtida skal eg prøve meg på dei to små. Eg tenkte at retrostoffa mine kan brukast til det.

Lukka er nokre vakre stoff, haustsol og helgevask.... Godt blanda, då.....;o)

God helg til deg og:......

Gjer dagen din god!

Ein liten blome til....

2011-09-21T20:49:00.000+02:00

Nok ein gang har eg boltra meg med blomar.

Ein nydeleg lilla lin, eit vakkert stoff med småblomar som passar til og vips vart det ei veske.

Som vanleg måtte eg pynte litt. Det er kjekt å kunne bruke fôrstoffet til pynt på utsida. Det blir det vesle ekstra....;o)

Eg fekk sjå bilete av ein veskemodell som ikkje var å finne lenger, og fann ein modell som likna. Nokre justeringar og endringar har eg gjort undervegs.

Inne i veska har eg som vanleg laga ein "dobbel-lomme"
Ein lomme med glidelås og ein utan, i ein og same lommen....;o)

Eg likar denne type lomme og brukar den ofte.

No er eg spent på om den fell i smak, om den passar, og er slik ho har tenkt seg den....;o)

Vel, det får morgondagen vise;o)

Gjer dagen din god!

Det blir ikkje alltid slik ein har tenkt....

2011-09-20T10:09:00.001+02:00

I går vart ein slik dag..... Og innlegget om noko kreativt kom ikkje..... Men eg var på møte i quiltegruppa om kvelden og fekk snakka mykje, kutta strimlar, og sydd EIN SAUM!!

Her ser det kor langt eg kom......;o) Men no ligg alt til rette for dette prosjektet, i ei ledig stund kan eg sette meg ned å sy;o) remsene er kutta til, så det er berre å plassere stoff og sy;o)

Vi har valt å ha Log Cabin som tema for året. Det er kjekt å lære for dei som ikkje har vore bort i det, og godt å friske opp att for dei som har gjort det før. Vi skal ha for oss fleire teknikkar, jamt fordelt gjennom året. Det blir kjekt!

Her er mal for "vanleg log cabin" vi starta med den.
Ein god lærar har vi, og ho hadde laga ein flott mal til oss. Så no er det berre å sy i veg;o)

Gjer dagen din god!

Kan det bli vakrare.....

2011-09-18T20:23:00.001+02:00

Eg må berre.....

De er gjerne lei av denne utsikta no, det er ikkje eg og i dag er fargane endå vakrare enn i går.....

I morgon lovar eg bilete med anna motiv. Det må bli noko kreativt!;o)

Gjer dagen din god!

Glede

2011-09-17T20:36:00.000+02:00

Vel heime nyt eg utsikta og diverse bloggar. Det er ein fin måte å kople av på. Eg treng det etter to dagar med teori.

No er vi ferdig og eg kan kalle meg Hulder.... Kva eg balar med kjem etter kvart.....

Er eg ikkje heldig som kan nyte dette?

No er det tid for sofa, strikk, kanskje eit nytt eit... og fjernsyn.

God helg og....

....Gjer dagen din god!

Påfyll i haustsol

2011-09-16T18:51:00.002+02:00

Dagane har vore brukt til prosjektarbeid med hjelp av PC og ikkje symaskina. Eg kjenner at det skal bli godt å få sy litt att, om nokre dagar;o)

Etter dagens faglege påfyll kunne eg tusle ut i sola, som eg har kikka på gjennom glaset i heile dag. Det var godt å strekke beina og tusle i skarp haustluft.

Ein tusletur for å samle og sortere tankane i varm haustsol, gjorde godt;o) Det var og godt å kjenne varme solstålar i andletet og gjennom jakka. Ein god måte å hente seg litt inn att.

No ventar god middag og prat i hyggeleg lag, det gjev ei god avrunding på ein god dag.

Fredagsglede

Strikket er med meg, so langt har eg ikkje strikka ei maske..... men det fungerer fint som pause- / fjernsyns-strikk, men ikkje i dag:0)

Det viktigaste er at det er med, i tilfelle eg skulle få ei pause eller skal sitte lenge i ro utan noko å gjere....

Er det nokon som kjenner seg att?

Gjer dagen din god!

SINGER

2011-09-14T09:17:00.002+02:00

Sjå kva eg har snubla over;o)

Laurdag var eg heldig, eg såg denne og fekk vite at den var levert inn og skulle kastast! Eg var om meg og den var mi.

I går var eg innom å henta den. Då var det visst mange som hadde spurt om å få den og gjerne betale for den.... Eg fekk den, så slapp den å bli kasta og var ute av vegen i ein elles trang butikk;o) Eit kupp, for begge!

Den verkar ikkje og eg hadde nok ikkje brukt den sjølv om den hadde verka.... Eg er nok bortskjemt med den maskina eg har.....;o)

Men den har ein fin farge, er no kome i hus og pyntar opp hos oss. Eg blir glad og smiler kvar gang eg passerer den.

Litt stoff under trykkfoten som står i stil.... eller ikkje... og vips så kan eg bruke stoffa mine til litt meir enn berre å sy av dei..... Endå meir glede!

Gjer dagen din god!

Strikkefint

2011-09-13T09:48:00.004+02:00

Feriestrikket mitt har vore ferdig ei stund. Eg har funne meg vel til rette i det og....;o)

Denne gangen vart det ei halvlang jakke. Eg har vald å ikkje sette knappar i den då eg skjeldan knepper jakkene mine, men om det skulle vere behov kan eg feste den saman med ei nål i halskanten.

Den gode raudfargen passar meg godt og i dag fann eg ut at regnbogeskjalet mitt kan vere prikken over i'en;o)

Eg har lånt saumbysta til eldstegullet og på det var det blått tyllskjørt for anledninga, det kjem eg nok ikkje til å bruke attåt......;o)

Mønsteret er frå Rasmilla og har eit fint rille- og holmønster. Dette var endå eit godt mønster får henne. Eg valde å lage jakka lenger enn oppgitt, då eg likar best lange jakker.

Jakka er strikka i Muskat frå Garnstudio så den kan brukast enno ei stund før eg må finne fram ulljakkene....;o) Vel, når eg tenkjer meg om blir den nok brukt året rundt.

Gjer dagen din god!

Oppussing

2011-09-11T20:11:00.000+02:00

Vi var så heldige at Eldstegullet gjerne ville male loftsova vår i sommarferien. Det skjedde først i juli og enno har vi litt å putle med før det blir heilt ferdig.

Det er småting som å male ei hylle eller to, henge opp att det vi vil ha opp att på veggane. No er det ikkje alt som skal opp att, men det vi vil ha er kome på plass. Det blir og litt nytt, men eg må berre sy det først.....;o)

Som de ser er det no lyse veggar. Glaskarmane er det ikkje gjort noko med. Dei skal få vere slik ei stund, for enno synes eg det passar. Om litt kan det vere at eg vil ha dei og lyse.....

Lampeskjermane kom ikkje gjennom nålauget til målermeisteren, dei må enten bytast eller ordnast.

Eg har tenkt å prøve å ordne dei, og den første er no ferdig. Den har fått hekla trekk på skjermen. Tøff, eller??

Min kjære er ikkje sikker på om det blir skikkeleg lys av den lampa lenger..... Minstegulla og eg, vi er nøgde;o)

Eg har brukt Muskat frå Garnstudio, dobbel tråd og heklekrok nr 8.

Vi har to skjermar til som eg har andre planar for, og om det lukkast kjem det her;o)

Gjer dagen din god!

Ein god nr 2.

2011-09-10T08:55:00.001+02:00

Det har vore godt sy-veir i det siste, men i dag skin sola og eg håpar ho kan vere her lenge!

Eg reknar med at det er mange som skal nyte sola og den fyrste dagen i hjortejakta. Det blir nok ein fin dag i skog og mark for mang ein jeger.

Vi turgåarar får berre passe på å gå på dei rette plassane og vere godt synlege....

Eg har sydd ferdig veske nr 2.

Den er ikkje så stor som den første, den er berre 60 x 75 cm. Og så denne har eg pynta.

Det er kjekkare å sy når eg kan leike meg med fargar og stoff.

Og eg trur at pynten gjer det kjekkare å bruke veskene for mottakeren og.

Eg har pynta dei både framme og bak.

Den første veska med blomar. Store blomar til ei stor veske.

Eg tenkte først at eg skulle bruke fôstoffet som pynt, men voksduken vart fort bytt ut med litt stoff frå lageret.....

Den andre veska fekk fuglepynt på framsida, og er quilta i rette saumar.

Eg ramma inn biletet og fortsette med 5 cm mellom kvar ramme til heile biten var quilta.

Veskene har både skulderreim og hankar slik at dei blir enklare å handtere når tavlene er på plass.

Baksida på veske nr 2 har fått hjerter og er quilta som framsida.

Då er det berre å sjå om dei er brukandes for dei som skal ha dei. Eg håpar det.....;o)

Gjer dagen din god!

Eg vil gjerne ha.....

2011-09-07T18:26:00.000+02:00

- Strålande sol, like stålande som denne fine blomen.

Det er minstegullet sin blome, dei sådde frø på skulen i vår og den har gleda oss no på seinsommaren.

- Seinsommar i september..... så eg kan tusle berrføtt enno ei stund.....

- og godt selskap..... det veit eg at eg vil få i dagane som kjem....

Og framleis er det er godt inne-veir til kreative syslar og til å gjere heimelekser til neste helg....

..... og tekoppen er ikkje langt unna..... Ju då, eg har det godt..... eg må berre minne meg sjølv på det av og til.......

Gjer dagen din god!

str XXXXXL

2011-09-06T09:25:00.000+02:00

Den første veska er ferdig.

Dette er dongeriprosjektet eg har sydd på sist veke. Det er ei veske i stort format, str 90 cm x 75 cm. Men det var ei kjekk utfordring å få.

No er eg i gang med veske nr 2 den er berre 65 cm x 80 cm......

Dongeri og voksduk gjev ei praktisk og stødig veske som skal frakte tavler til og frå. Eg har quilta ganske tett det, det gjer og veska stødigare.

Eg måtte berre pynte litt...;o) Det gjer det kjekkare å sy og kanskje får det fram smilet når ein skal bruke veska....;o)

Her vart det blomar både framme og bak. Som eg har skrive før, raudt er veldig fint til blå dongeri.....;o)

I går måtte eg leike meg litt.

Barbro har vist korleis ho lagar dei flotte fuglane ho pyntar med. Eg har lenge tenkt at eg ville prøve og her er min versjon. Fin pynt til veske nr 2, tenkte eg;o)

Den skal eg sy på i dag.....

Gjer dagen din god!

Kystdag

2011-09-05T09:54:00.000+02:00

I går var eg heldig å fekk treffe mange kjekke, kreative ungar. Eg hadde med ull, såpe, perler, nål og tråd.

Kvart år er 4H med å arrangerer Kystdagen på Kystmuseet i Florø. Eldstegullet og eg skulle hjelpe små og store med å tove. Mange ville prøve og mange flotte kreasjoner vart laga.

Her er det vi kom heim med. Ein haug perler, og bitar med tova ull som eg trur skal bli pynt. Kanskje eit bilete eller pynt på ei veske. Kulene kan bli armband eller pytn i vindauget. Vi får sjå kva det blir når vi set i gang, gulla mine og eg....;o)

Det var ein kjekk dag og det å trille kuler og prate med glade ungar gjev godt påfyll. Å sjå kor dei kosar seg med fargar, vatn og såpe før dei pynta med perler var ei stor glede for meg. Dagen gjekk fort og eg kjende kor kjekt det er å leike med ull. Reinare hender har eg vel ikkje hatt på lenge...

Her er kreajonane til minstegulla mine.

Glade fargar og det som skulle verte ei kule vart ein fin blome....

Det er det beste med å lage og forme. Om det ikkje blir det du har tenkt deg, blir det noko fint, det er berre å justere litt og tenke nytt;o)

Kula kom på andre forsøk.....

Her har minstegullet laga ein sverdfisk, eller kanskje er det ein hjort, eller reinsdyr.....

Det blir spennande å sjå kva ho vil bruke det til. Eg gleder meg til å sjå kva ho vil gjere vidare.

Det er berre å prøve, der er kjekt, litt vått og gjev mykje glede!

Gjer dagen din god!

10 år!

2011-09-03T17:06:00.000+02:00

Vi feirer eit jubileum i dag. Mellomstegullet er 10 år og det blir feira som seg hør og bør.

Ho og ei venninne har allereie hatt bursdagsfest saman med klassa. 30 ungar, kake, muffins, kjeks, brus og snop, disco, leikar og ein "professor" som tryllar og eksprementerer med flammar, smell og skum gjer lukke.

Professoren er faren til vennina og gjett om det var kult når plastboksen small og lokket fauk i taket,eller når han sette fyr i lause lufta.... Det var til stor glede for både store og små.

Eldstegullet trylla fram kake, nett slik jentene vil ha det. Kjeks fekk bursdagsbarna lage sjølv. Det er kjekt å kunne servere noko som ein har laga sjølv. Muffins er sjølvsagt og alt gjekk ned på høgkant mellom dans, leikar og underhaldning.

Når dei til slutt fekk springe fritt rundt på heile ungdomsskulen kunne det ikkje vere betre. Det var nokre sveitte ungar som vart henta, med store smil om munnen;o) Det er spennande å vere på ungdomsskulen når ein enno har tre år att før ein skal gå der sjølv.....

Eg fekk i oppdrag å lage gåve til vennina, ho ville så gjerne ha eit penalhus. Mellomstegullet valde fargar og stoff som ho trudde kunne falle i smak. Ho hadde og tenkt ut korleis eg skulle lage namnelappen. Då var det ei smal sak for meg å kutte, sy og pynte.

Gåva fall i smak, heldigvis;o)

I dag er menyen bestemt av bursdagsbarnet, så då blir det taco og muffins til dessert. Om litt må kokken på kjøkkenet, men først skal eg ha ei lita stund med eit handarbeid, skal tru kva eg skal velje....

Gjer dagen din god!

Frodig retro

2011-08-31T21:50:00.000+02:00

Eg måtte ha ei pause frå dongeriprosjektet mitt i ettermiddag. Det er stort og tungt å jobbe med.

Eg må tenkje litt meir på korleis eg skal løyse neste steg, så då vart det ei tenkjepause med saum attåt...

Eg fann fram den fargerike retro-duken min som var klar til quilting og lukkekant.

Den har lege å "modna seg" i sommar. Eg valde å ikkje lage den større, den er passeleg stor, nett slik den er.

Eg har nytta fine stoff som eg har fått, samla og arva.

Her er det nydelege sengkle og kle som no kan brukast til å lage fargerike "tekstilar" til glede og nytte.

Det har vore veldig kjekt å få og bruke desse flotte, fargerike stoffa med frodige mønster. Eg blir glad når eg ser dei.

Det blir nok laga meir med desse stoffa, om litt.....;o)

Det vart "grøftesaum" slik at eg ikkje tek fokus vekk frå broderia. Dei fargerike lappane mellom brodaria verker, om mogeleg:o), og rolegare utan anna saum.

Ein lukkekant i kontrastfarge var det som skulle til.

Eg har fått nokre kommentarer på at duken er symetrisk, for det er ikkje vanleg hos meg.....

Men denne gangen tenkte eg at eg for ein gang skuld skulle vere litt firkanta og symetrisk, berre slik at eg har gjort det. Det er ikkje sikkert at det skjer fleire gangar....;o)

No kan vi pynte med ein sommarleg gla' duk og då varer seinsommaren lenge her i huset i haust...

Med solskin skjørt og frodig retro strekk vi sommaren heilt til advent!;o)

Gjer dagen din god!

Nytt og spennande....

2011-08-29T11:02:00.000+02:00

Endeleg ny PC!!!!!

Å byte PC er kjekt, men gjev litt ekstra arbeid og det er ganske tidkrevande.

Heldigvis likar min kjære slikt arbeid;o) Men eg og er glad i å klikke og finne ut av nye måtar å gjere ting på og lære meg dei nye programma. Noko av helga vart brukt til det;o) Difor vart det lite blogging....;o)

Eg skal sette meg inn i dei nye tinga litt etter kvart, for no er det mange andre syslar som berre må gjearast. Det er kjekt, fordi mesteparten inkluderer symaskina mi;o)

Bilda har lite å gjere med den nye PC'en, men eg må berre vise det som eldstegullet laga før helga. Ho skulle i bursdag til to veninner som begge hadde ukulele på ynskjelista.

Då laga ho liksågodt desse to nøkkelringane, i siste liten.... Eg trur ho og jobbar best under press. Og restekorga mi kom godt med.

Tøffe synes eg!

Tankearbeidet mitt har resultert i stoff og vatt som er kutta. Så måtte eg berre pynte litt og teikna, klipte og limte;o). Her er eg i full gang med å quilte.

Det var moro, og nye idear til undervegs.... Det har eg gjort før, og det er kjekt å jobbe slik.

No kan eg nesten ikkje vente med å sette i gang med neste stykke.

Dongeri og raudt er tøft saman....;o)

Gjer dagen din god!

Tankearbeid....

2011-08-26T10:18:00.000+02:00

Av og til kan ein berre sy i veg og kose seg og bli ferdig på ein, to, tre. Kose seg med fine fargar og stoff og glede seg over eit kjapt resultat som fell i smak hos mottakeren. Det er alltid kjekt.

Andre gangar får ein (heldigvis) utfordringar. Då må ein fram med blyant, papir, kalkulator og målband..... Noko tankearbeid har ein vore gjennom før ein kjem hit, og enno litt skal ein gjennom før ein set kniven i stoffet og let det stå til....

Dette er også moro;o) Men eg brukar tid på det og skubbar det litt føre meg ei stund, så tek eg det fram att, legg det til side att, koblar av med noko som er lett og greitt.

Når det så har modna litt til, kan ein ta fatt i kniv og linjal. Eg er kome dit no;o) og om litt skal de få sjå kva eg puslar med.

Dagane fyk, der er eit teikn på at vi trivast, rutiner skal på plass att, foreldremøter med informasjon om nytt skuleår og arbeidsmåtar skal mottakast, vurderast og vidareformildlast.

Når kveldane kjem er det godt å slappe av litt med eit handarbeid. For tida er det broderi eg tek til.

Som sagt før er eg glad for at eg kan veksle mellom div. handarbeid, noko som huset ber preg av.....;o)

Det er nok av prosjekt som ligg klare, strikkety og hekleprosjekt, to jakker og eit teppe... Broderi i alle variantar.... og plutseleg er noko ferdig....;o) Då kjem dei her....

Dette er Tusenfryd frå Northern Quilts, som har vore med meg rundt om kring i sommmar, men det er her heime eg har brodert det.... No er det klart for quilting, pynt, lukkekant og handsaum, ...om litt....;o)

Gjer dagen din god!

Solskins skjørt;o)

2011-08-25T09:28:00.000+02:00

Det vart full klaff og på med ein gang....

Skjørtet er i bruk og jenta godt nøgd.

Ein kommentar kom kjapt: "Jammen mamma, eg sa jo til deg at du berre kunne bruke stoffet med elefantar..."

Her er det utprøving av skjørtet, det er supert til å snurre rundt i.

Det er den viktigaste testen.

Rund og rundt i full fart så ein nesten blir litt svimmel.....;o)

Det skal ikkje stramme om magen, det løyser gullet elegant ved å ha kleda nede på hoftene....

Det skal vere vidt nok til ikkje å vere i vegen når ein skal leike, klatre, spele fotball m.m.

......og det kjekkaste av alt er at eg sydde ei ugle på til pynt.

Som sagt før så er vi nokså glade i ugler her i huset.....;o)

Vi jentene i vert fall. Eg har ikkje merka at min kjære deler denne gleda, men kven veit.....

Eg blir i vert fall glad når eg ser dei fine gla'fargane i skjørtet. Også denne gangen brukte eg mønsteret frå boka Barn igjen. Det passar perfekt, som Veslegullet så treffande seier det......;o)

Det vil det vere solskin til kvardag og fest her hos oss, i vert fall dei dagane skjørtet er i bruk;o)

Det gjer ikkje noko om det er regnvått ute, for vi har solskin både inne og ute.....;o)

No er eg klar for symaskina att... gledar meg til det;o)

Gjer dagen din god!

Eg har så lyst til....

2011-08-24T11:28:00.000+02:00

...å sy eit skjørt av desse flotte stoffa.

Veslegullet er ikkje heilt einig i det eine stoffet, men eg trur eg gjer det likevel....;o)

Det kan jo hende at ho likar det når det er ferdig, om ikkje, er det gjerne nokon andre som likar det....;o)

Eg fekk og lyst til å kjøpe nokre nye plantar til å pynte ved inngangsdøra vår.

Eg var innom min vanlege snopebutikk.... og der kom det inn nye plantar. Kven kan stå i mot slike freistingar?

I dag har eg planta dei i krukker og sommarblomane som har gjort si teneste heile sommaren, men som no var noko slitne og falma, skal få kvile.

Dei har i sommar gleda oss med blome etter blome, så no kan dei kvile seg og sleppe andre til......

Eg fekk ny og bra med energi etter turen i skogen i dag.
Det var trolsk og vakker stemning på toppen og eg kunne sjå blåne etter blåne.

Det gjorde godt å kvile auga på noko fint, medan eg fekk att pusten!, kjende varmen og den raude fargen i fjeset starte med å sleppe taket til eg skulle ned att..
Jepp!, også her er det ny start og nye mogelegheiter etter slaraffenlivet i sommar...

Gjer dagen din god!

Med stjerner i blikket.....

2011-08-23T10:21:00.000+02:00

...eller??

Vi sydde i vert fall stjernemønster i går kveld. Det var veldig kjekt å møtast att etter ein lang og god sommarferie. Nokre hadde halde fri og ikkje sydd noko sidan sist, andre hadde litt å vise fram....;o)

Styret hadde "snudd seg rundt på ein femøring" og i løpet av nokre få timar søndag laga modell, og gjort klart til at vi andre kunne kose oss med handsaum.
Det er flott at vi har eit styre som tek ei utfordring på strak arm, det har dei og vist oss tidlegare.;o)

Det var ganske, ~~uvanleg,~~ stilt i løpet av kvelden.... og eg trur dei fleste vart ferdig med kvar sitt koppeunderlag.

Eg ser og at det ville vere tøft å sy dei saman til ei brikke eller duk, om du har godt med tolmod....

Det var mange som nemnde at dette var eit fint handarbeid for reiser i båt, bil el.l. då har ein gjerne ein duk ganske snart.....;o)

Kjekt var det i alle fall, takk til styret som fekk oss i gang att!

Eg må berre seie at eg har laga ei av desse, ikkje alle.....

Og heldige meg!

Tenk eg vann to gevinstar. To nydelege lyse stoff og ein stoffpakke til eit koppeunderlag.

Det er ikkje rart eg synes det var ein god start på sesongen......;o)

Gjer dagen din god!

På autopilot....

2011-08-22T10:01:00.000+02:00

Travle dagar gjer at det er godt å kunne sy nesten på autopilot, altså sy noko ein har sydd mange gangar før... steppe å lese mønster og tenkje alt for mykje. Det er ein god måte å hente meg inn att.

Eg hadde allereie eit stripesett av nokre stoff som eg, nok ein gang..., kjøpte berre fordi dei var så vakre.... Litt bomullsvatt, fôrstoff og ein glidelås og vips så hadde eg denne.

Veska med div kablar og ledningar til pc, mobil ol. var meir enn full.

Den nye mappa har difor allereie kome i bruk og husar sin del av kaoset, som no ikkje er kaos lenger. Det er godt kva ein kan ordne opp i;o)

Tenk om det var like lett å ordne alt kaos på same måte, berre sy ei ny mappe......;o) Det hadde vore noko, det!

Vel, no er det ei ny veke med nye mogelegheiter. Det er mykje kjekt å ta fatt i.

Første møte i quiltegruppa etter sommarferien, foreldremøter, trening for store og små, så det er berre å hoppe i det!

Men eg skal berre sy litt først.....

Gjer dagen din god!

Min juli.

2011-08-21T14:06:00.000+02:00

Vi er nokre jenter/damer som i sommar gav oss sjølv ei utfordring. Vi skulle vise kvar veke i juli med ein Mug Rug.

Eller sagt på ein anna måte vi skulle lage ein Mug Rug/krusmatte for kvar veke i juli som skulle vise noko vi hadde opplevd, noko som bereørte oss eller rett og slett noko vi hadde sett denne veka.

Ei utfordring som alle tok på strak arm! Vi møttes denne veka og nokre av oss hadde ferdige krusmatter med oss.

Fire av oss var ferdige, ei var i gang og hadde med seg sine. Dei andre er framleis på tanke/idestadiet og så får vi sjå om dei fullfører.

Her er eit bilderas av dei som vi fekk sjå i veka som var, er dei ikkje flotte???

Eg har ikkje spurt om lov til å vise desse fram, men eg håpar det går bra for dei er alt for fine til å verte gjøymde......;o)

Og her er mine:

Dette er frå 1. veka

Då sydde eg denne ,så tema for krusmatta var i grunnen enkel å finne....

Dette er frå den andre veka. Då var vi på tur og i huset som vi budde var denne vasen.

Eigaren av huset er veldig glad i denne og forma er jo flott, nett som ein flott kvinnekropp med flotte former!

Dette er den tredje veka i juli og vi var heldige å kunne vere på Moldejazz i Rosenes by. Vi hadde ei flott veke saman med to andre familiar som gjorde opphaldet endå betre.

Gode vener, min kjære familie, gode konsertar og eit yrande folkeliv gav meg ei god oppleving som varde i ei heil veke, heldige meg !! Minnene vil vare endå lenger, heldigvis.

Dette er min måte å vise det på;o)

Dette er siste veka i juli.

Den var i utgangspunktet tenkt annleis, men tragedia som skjedde 22. juli gjorde noko med meg, sjølv om eg ikkje har nokon kjende som er ramma.

Vi er vel alle merka på eit eller anna vis av hendinga.

Eg tok då nokre flotte stoff, som eg kjøpte då gjengen var på tur sist. Laga rutenett og forma krusmatta til eit hjerte og teksten har vi vel alle høyrt før. Den er vakker synes eg og seier i grunnen alt.

Gjer dagen din god!

Litt retroaktig, men tøff......

2011-08-18T11:15:00.005+02:00

....var kommentaren til eldstegullet då ho fekk sjå den nye kjolen min.

Jau, den er vel det..... Eg synes den er sprek og er i gla'fargar som får meg til å smile.

Saman med dongeribukse eller ein tights tenkjer eg at den kan bli nok ein favoritt..... Gode, klare fargar, for dagar då ein treng energi, eller for dagar då ein vil stikke seg fram.....

Den er nok ein heilårskjole, om sommaren fordi den er flott til brun hud, og om vinteren fordi eg då treng fargar.....;o)

Blandinga av blondestrikk og hekl som gjev ein romantisk overdel saman med det tøffe, bråkete stoffet gjer den tøff, men ikkje for tøff.... søt, men ikkje for søt....Ja, ja det blir mange tankar dette her, men kva synes du?

Eg nyt seinsommaren med å sitte ute i godtolen min om kvelden med handarbeid, kveikte lys og lydbok.

Det er visst berre eg som har bruk for å vere ute litt til....

Eg heklar, syr eller spøtar til det er så mørkt at eg ikkje ser kva eg gjer. Då sit eg litt til å nyt mørket, dei levande lysa og stillheita.

Så tuslar eg inn og pratar litt med dei to som enno er oppe, før eg tuslar i seng og sovnar som ein stein.

Eg trur desse stundene gjer godt og er ei god avslutning på dagen. Eg nyt dei og håpar seinsommaren varer lenge enno...;o)

Gjer dagen din god!

Sommarsøndag og uglenytt.....;o)

2011-08-16T10:01:00.000+02:00

Søndag var eg på beina att og kunne vere med på det meste att;o) Minstegulla, mannen min og eg tok turen til Eikefjorden og Eikefjorddagane.

Der var det, som vanleg, mykje både for liten og stor. Jentene fekk vere med på tur med Gråtass. Den køryrde runde på runde med tilhengeren full i ungar. Dei fryda seg og den hadde full hengar heilt til siste tur.

Etter litt god mat i kjekke omgjevnader var dei klare til neste aktivitet, graving med minigravar!

Det var mykje variert underhaldning og musikk som mannen fekk med seg.

Eg deriomt kunne ta ei runde rundt for å sjå på alle dei flotte utstillingane som var samla.

Det var måleri, billedvev, keramikk, teikningar og salsutstilling av rosemaling, glaskunst, vesker, ringer av englar av sykkel/bil slangar.

Smykker i sølv og metall, hekl, strikk m.m. Eg kjøpte lite, men lot meg, som vanleg, inspirere....;o)

Bileta er frå plassen der vi fekk oss mat. Nydeleg mat og ein god kopp kaffi attpå og med vakkert servise og dukar;o) samt myke å sjå på vart måltidet ei fin stund.
Småprat med både familie, venner og dei som driv staden gjorde stunda endå betre!

Mellomstegullet trengde nytt penalhus til skulestart. Eg var godt i gang, men den før omtalte sykja...;o) gjorde at eg ikkje vart ferdig til 1. skuledag.

Eg sydde resten i går, så no kan ho ha med både det eine og det andre. Det er med andre ord GOD plass....;o)

Ho ville ha ugler på penalet og i sommar snubla eg over dette flotte stoffet som passa perfekt til ynskjet.

Eg tenkte og at det kunne vere flott til kjole eller skjørt og det er ein god bit att av stoffet så eg får sjå kva eg kan få til.

I dag har eg eit lite luksusproblem, eg har så mange ting eg vil prøve ut så eg veit ikkje heilt kvar eg skal starte.....;o) Som sagt eit luksusproblem.....;o)

Ha ein strålande dag!, her er sola framme att etter øsande regnveir i morgontimane, så der ser ut til å bli ein flott dag!

Gjer dagen din god!

Snart skulestart...., NEI! ikkje sei det!!!!

2011-08-13T13:34:00.000+02:00

Det nærmar seg skulestart og dei tre jentene våre er spente kvar på sin måte. Minste gru-gledar seg til å starte i 2. klasse. Eg trur ho gledar seg mest til å sjå vennane att og vere samam med dei kvar dag att. Men det blir og rart då ein manglar.

Mellomste skal opp i 5. klasse og gledar seg til nytt klasserom, storskule og kunne vere saman med bestevennina som går i 6. også i friminutta. Men så kjem ho på at dei skal få ny lærar, meir lekser ..... men det er fort gløymt att.....

Eldste vil ikkje høyre snakk om skulestart! 10 kl og haugar med lekser, lange timar og lite studietimar og IKKJE nytt klasserom i år heller. Så det er forbud å snakke om skulestart med henne.... men eg trur det går seg til også i år, sjølv om det blir mindre tid til favorittsyslane sy, lage kort, ligge i senga med pc, film m.m.;o)

Det er rart med august, kjensla av ny start er der framleis sjølv om det er lenge sidan eg var den som skulle starte på nytt skuleår. Men med jenter i skulealder vil den komme kvart år lenge enno...... heldigvis.....;o) Ny start, nye mogelegheiter er alltid kjekt.

Eg har og starta på eit nytt alvebroderi. Ny start, nye fargar og mønster;o)
Dette er ferdig, Det har gått i ferietempo, i sneglefart altså.... og det har vore med meg rundt omkring på ferieturane vi har hatt i sommar. Men i går ettermiddag broderte eg siste stinget;o) Det er det femte bildet.
Det sjette kom i posten i juli, og optimist som eg er, har også det vore med på tur..... og i går kunne eg starte på det....heime.....

Eg har fått ein forkjølelse, som eg etter beste evne har prøvd å ignorere....men no må eg berre medgå at eg er forkjøla.... Eg nys, frys og sollyset er ikkje godt.. Det stikk i auga som renn, nesten heile tida og huvudværken kan eg ikkje ignorere lenger.... Energien er heller ikkje på topp. Då er det godt å sige i sofaen og brodere. Men nok klaging for i dag!

Noko godt har kome ut av det, eit borderi er ferdig og eg har starta på neste....;o) Så får eg sjå om det blir ein sofa-brodere-sove-dag i dag eller.....;o)

Gjer dagen din god!

Skal, skal ikkje.... skal tru om.....

2011-08-11T10:10:00.000+02:00

I løpet av sommaren har eg hekla ruter. Det har vore kjekt å ta til og til tider har eg hatt dilla..... Her har eg lagt dei ut over, pusla og leika meg med alle dei flotte fargane.

Eg har ikkje hekla dei saman endå, då eg er i stuss på om eg skal hekle fleire. Det hadde vore kjekt å hatt teppet litt større..... eller....

Eg har to nøster til som eg ikkje har brukt til no. Eg skal vurdere om eg skal hekle i veg og blande inn endå fleire nyansar eller om eg skal vere nøgd som det er.

Eg skal og finne rette fargen og tråden til å hekle det saman. Eg veit kva eg vil ha, men om eg finn den, ja det vil vise seg.....;o)

Gjer dagen din god!

litt av alt....

2011-08-10T11:17:00.001+02:00

Eg er i gang att med saumprosjekt og etter ei pause frå symaskina har eg lyst til å gjere alt på ein gang.....

Dagen i går gjekk med til å tenkje.... teikne, klippe, stryke og litt hansaum. Altså lite maskinsaum;o) Men i dag er det ein ny dag med nye mogelegheiter!;o)

Biletet viser ein liten sniktitt på kva eg puslar på med, det kjem meir om litt;o)

Då vi var på tur såg eg mange flotte geometriske mønster og former, nokre var lagra i minnet og nokre klarte eg å fange med kamerae.

Nokre med kameraet i fart, slik som her..... Dog med varierande resultat.....

Men det kan gje idear til kreative syslar ein vakker dag....

Gjer dagen din god!

Borte bra, heime er framleis best......

2011-08-08T22:14:00.000+02:00

Vi har hatt ein nydeleg, flott ferie med sommaren som vi har lengta slik etter. Det har vore tid til både strandliv og byvandring.

Vi har besøkt og traska gatelangs i Aalborg, Frederikshavn, Skagen og Århus. Nydelege byar med flotte parkar og eit yrande shoppingliv.
Eldstegullet var langt meir uthaldane enn vi andre, men heldigvis finns det plassar å sette seg ned for å nyte kaffi, livet og utsikta, så vi som trengde det kunne ta pausar.

Litt har vorte med heim... Stoff som kan bli nye kreasjonar, så eg er ganske klar til å sette meg framfor symaskina.

Sykroken min er i same rommet som vaskemeskina og tørketrommelen så eg må berre fjerne nokre haugar med klede, les: vaske fleire maskiner med ferieklede, før eg kan sette i gang med å klippe og sy....
....men i morgon kjem eg nok til å starte uansett.....;o)

Stranda har og vore flittig brukt. Steinar, krabber og skjel har vi plukka og nokre er nok blitt med heim, gode minner frå ein flott sommmar.
Dei to minste likte dette best, men det var kjekt for alle.

Det har vorte nokre mil og timar i bil og båt og då var det fart i strikkepinnane mine. Det og lydbok gjorde bilturane ekstra kjekke.

Det gjer meg ingenting å vere passasjer dersom eg har strikk, lydbok og kan la blikket vandre over landskapet vi køyrer gjennom.

Feriestrikket denne gangen var i bomull og mønsteret er frå Rasmilla som har laga nok eit godt mønster. Det er enkelt og greitt å følgje og etter nokre omgangar sat mønsteret i fingrane.

Det resulterte i at eg er ferdig med bak- og framstykkene og er kome halvvegs på 1. erme. Nokre kveldar framfor fjernsynet eller ein biltur til og eg har fått meg ny jakke.....

Gjer dagen din god!