Ein fin liten blome....

Ein fin liten blome i skogen eg ser,
i granskogen diger og dryg,

og vent mellom mose og lyng han seg ter.

Han står der så liten og blyg.

Anders Hovden

Då eg såg dette mønsteret og utfordringa som følgde med skreiv eg ut mønsteret med ein gang.

Eg likar det godt. Det har lege framme på syrommet til inspirasjon sidan.

 Eg har sett den eine blomen etter den andre vist fram. (Åååh no får eg ikkje legge link til den siste!, men bla framover til starten så finn du den og )  Vakre, broderte og kunstferdige.....

Eg såg føre meg ein applikert versjon og det er det blitt, ein liten quilt til glede og inspirasjon.

Og dermed vart den og spegelvend i forhold til dei broderte blomane. Så ivrig var eg med å komme i gang, når eg først var kome så langt....;o )

Verset over måtte berre vere med, for det har surra rundt i hovudet mitt medan eg kosa meg på syrommet.


Har du laga din versjon?



Gjer dagen din god!