Rosenraudt

Nok ein nydeleg dag er på veg til å bli kveld.

Det er fantastisk å vakne å sjå månen lyse opp utsikta frå stoveglaset. Det er nesten magisk og underleg lyset, når dagen gryr.

Eg vankar nok så tidleg, vel tidleg i forhold til nokre av dei eg bur saman med. Det er godt og nødvendig å stå opp, og mjuke opp den nokså stive, ømme kroppen. Den er ikkje så glad i kulden og verker nok så mykje for tida.

Eg kan liksom ikkje få nok varme, pakkar meg inn i ull og fyrer i omnen så dei andre i huset synes det er varmt nok. Men eg har ull nok til å kle på meg endå nokre lag og kan bli varm nok.

Turar ute er fantastiske, det er friskt, reint og vedunderleg med det kvite bada i sollys om dagen og måneskin med stjernedryss om kvelden. Det er nydelege fargespel i overgangane mellom dag og kveld og på dagen skin sola nydeleg på snødekte fjell, det er vakkert og fantastisk å få oppleve.

Det er også godt å gå ute, det mjukar også opp kroppen og med fleire lag klede er det ei god stund.

Det er godt med slike dagar, då ein ikkje skal noko og kan la dagen gå og gjere det ein har lyst til. For meg betyr det lydbok, handarbeid, varm drikke og fyr i omnen, det kan eg godt venje meg til;o)

Jentene har teke spade og snøskuffer fatt og laga snøhole i dungane som er blitt til når vi har måka tunet og vegen ned til huset. Når dei då kan få litt kakao å drikke i sitt nye krypinnn er det fryd og glede;o) Dei er raude i kinna når dei kjem inn att.

Sjalet er hekla ferdig og det er berre for eldste å feste frynser på så får vi sjå om vi skal blokke det eller om det berre skal tørke og vere klart.

Jakka veks jamt og trutt, eg er snart ferdig med berestykke. Eit par
kuber til så kan eg dele den i fram-, bakstykke og ermer. Då er det eit fint fjernsyns/bil-strikk med glattstrikk til stripene som lagar fine avslutning på ermane og bolen.

Håpar du har ein god dag, nett slik du vil ha den...;o)