Langtur......

Larvik var ein fin by, vi tusla litt rund i byen, fekk oss litt mat og tusla endå litt meir før vi returnerte til Bakkane Gård der vi overnatta.

Det er ein flott plass, 3 hytter på gardstunet med eit gjestfritt ektepar. Ungane koste seg og leika på tunet rund husa.

På rundturen i Larvik fann eg eit par butikkar eg gjerne skulle vore innom...... bla. denne;.)

Det spørs om vi må sjå innom når vi kjem att frå Ribe.....;.)

I dag var vi tidleg oppe og rydda raskt ut og la frå kai kl 8. Vi hadde ein god frukost og ein hyggeleg tur over til Hirtshals.

Denne karen kom innom..... ein hyggeleg fyr, til glede for ungane, men kunne han få oss vel fram til kai????.....

Etter ein rask tur for det meste på motorvegen kom vi fram til Ribe, ein koseleg by og Ribe Byferie som innbyr til ein flott ferie!

Vi gjekk ein tur i gågata i byen, og har funne mange ting som vi gleder oss til å sjå nærmare i dagane som kjem.

Nokre turar rundt omkring i området rundt Ribe er og på lista av ting vi kanskje skal gjere. Vi tek dagane som dei kjem og gjer det som fell oss inn, slik ein god ferie skal vere.

Jentene kosa seg med å spele sjakk utanfor resepsjonen til feiehuset vi bur i.

I morgon blir det nok ein roleg dag i Ribe etter nokre dagar i bil.....

Håpar du har ein fin kveld, det har vi!