Inspirasjon!

Eg har hatt ei fantastisk helg! Laila og eg har vore på helgetur att. Vi tok turen til Førde og Trapp Ned. Der har vi vore på kurs med Anne Beier Finnestad. Ho er ein dyktig kurshaldar og ein dyktig instruktør i sitt fag, frihandsquilting og saum.

Saman med 17 syglade damer har eg fått mykje inspirasjon, sett mange fantastiske produkt som desse kreative damene har laga. Det har vore eit oppkome av fargar, mønster og stoffkombinasjonar. Utgangspunktet har vore Anne sine modellar og mange fantastiske løparar har vorte laga. Ingen er like til trass for at mønsteret er likt.

Anne har gitt ut boka Symaskinlyd som gjev inspirasjon til å ta fram stoppefoten å teikne på stoffet! Ho er også ein fantastisk person å vere saman med, har eit oppkome av historier som ho gjerne deler med oss. Ho er også ein dyktig historieforteljar som fortel med heile kroppen, som gjer at vi ser det levande for oss når ho fortel. Det er ein opplevelse og lattermusklane mine har verkeleg fått trim denne helga.

Laila og eg fekk lov å servere fersk foccacia og Laila sine fantastiske scampi! til Anne, Marit kursarrangør og eigar av Trapp Ned, samt to av kursdeltakarane som og overnatta i Førde. Tusen takk for ein kjekk kveld og to kjekke dagar med kurs.

 Løparane mine skal eg viser fram når dei er blitt quilta.

Her er ein liten smakebit av den eine, Alle desse blomane er no klipte ut og limt på den eine løparen, den er klar til quilting. Den andre har eg ikkje kome så langt på, eg skal klippe ut litt fleire blomar og så skal og så den quiltast.

Eg vil og vise fram det fine bildet som Laila lagde i dag, det skal berre limast fast på ei ramme. Eg har nokre liknande "i hovudet mitt" eg skal berre laga ferdig nokre løparar først.

Vi er verkeleg privilegerte som kan få vere på slike kurs og få bli inspirert og få treffe så mange kjekke likesinna. Det er og eit pluss å kunne ha senga i 2. etg slik at eg kunne legge meg "ned på" når det er nødvendig,. Diverre var eg ikkje flink nok til å gjere det, tenk om eg skulle gå glipp av noko..... Men all den gleda eg har fått i helga veg opp for det som ventar meg i dagane som kjem;.)

Tusen takk for ei fantastisk helg til STOR glede og inspirasjon!