Kvardagsglede

No er eg komen heim og har tusla og pusla rundt i huset, kveikt stearinlys, gjort kvardagssyslar, laga og ete middag saman med jentene og mannen og funne roa og nyt kvardagsgleda att.

Kaffikoppen er fylt med mjølk som er skumma, kanel og kaffi, mmmmm den har eg og sakna.... No kan den nytast!

Grisane som er kome med på bildet, strikka eg av restane etter lua og pulsvantane til eldstejenta. Bandet rundt er og rest etter ei anna lue eg strikka til ho.

Mønsteret til grisane kan de finne her. Det er Liselotte som nok ein gang deler oppskrift med oss;O)

Då eg kom heim i dag og kasta eit blikk ut av vindauget fekk eg sjå to regnbogar, det var litt av ein velkomst! Er det ikkje gull der bogen endar....... Den eine ser vi tydeleg, den andre skimtar vi i bakgrunnen for den bleikna medan eg henta kameraet mitt.....

Håpar du har ein god kveld!