I alle fall blomar, vakre blomar og jammen eit hjerte og;o) Eldste er i gang med gjærdeig så det skal bli bollar med krem og rørt bringebærsyltety, mmmmmm.... eg får vatn i munnen berre med tanken. Å det er så godt å ha ungar som har lyst til å bake og lage mat! Det gledar eit morshjarte ;o)
Mannen har lova god middag og eg nyt dagen med raud tråd på pinnane. Mellomste trengde ny fin-jakke til kjolane. Vi tenkte på ei kort jakke, skal vi ha holmønster eller fletter eller glattstrikk???? Hmmmm, kva meinar du mamma? Kva er flettemønster? Så forklarte eg litt og vi prata litt meir og så kom det. Eg vil ikkje ha holmønster for det kan bli kaldt utanpå kjolane som er korterma.... eg vil ha fletter! Jepp! den er grei;o) Eg tenkte litt på korleis eg ville at jakka skulle vere og kikka på forskjellige fletter, kva skal eg ta.......
Raglanerme er ein favoritt så det skal det vere. Vil du ha rund eller v-hals? Eg vil ha v-hals kjem det frå gullet!
Legge opp, strikke litt, skal vi sjå....., nei dette vart ikkje slik som eg hadde tenkt..... Rekke opp, legge opp att, nytt mønster hmmmm......, dette kan bli noko, men eg vil ha litt smalare erme.... Rekke opp, legge opp att og no er eg i gang, og det er som sagt erme eg held på meg, då blir det ikkje så mykje å rekke opp. Pinne nr 5 og dobbel tråd så det går fort;o)
Strikkeprøva den gjorde eg meg ferdig med i går....;o) Då har eg kontroll på kva ant. masker eg treng for å få den vidda vi skal ha. Ja, for eg fann ikkje eit slikt mønster som passa med det eg har i tankane..... og så er det så kjekt å lage eit sjølv;o)
God søndag! .....nyt den med litt søtt til:o)
Ingen kommentarer:
Legg inn en kommentar