Strikkeposar

Når eg er på tur eller når sommarvarmen kjem og eg tek med meg strikket ut, er det kjekt å ha ein pose til tråden slik at den ikkje trillar ned på bakken og blir skitten. Eg har difor laga nokre posar med hol til slikt bruk. Størrelsen gjer at eit lite strikkety/hekl og kan få plass. Det er enkelt å legge i veska når det skal fraktast rundt, utan at tråden viklar seg inn i nøklar, mobil, sminke og elles det vi damene har i veskene våre....;o)

Om ein skal strikke med fleire fargar har eg ein modell lik syboksen til Lise Bergene, også den med hol til tråden. Då kan ein strikke med 4 fargar om gangen..... Kjekt å ha....;o)

Nokre av desse som eg no har laga skal leggast i posten til to kjekke damer, dei andre har eg tenkt å ha til messa i Hyen i sommar.

No har sy lysta kome tilbake for alvor og eg har fleire vesker og løparar som eg gjerne vil lage. Med det varierande været vi har hatt kan eg gjerne sy, men så snart eg ser sola komme fram att bak skyene, strikk eg ut i godstolen med strikk, hekl eller broderi. Eg er utruleg glad for at eg har denne skapargleda og at eg kan variere handarbeidet.

Ha gode, kreative sommardagar;o)