Inspirasjon

Eg kjem alltid til å glede meg over lyset og fargane som eg kan sjå frå stoveglaset. Ingen dag er lik og grått er ikkje berre grått.....

Det er to bøker som eg har hatt på ønskjelista, men så er dei ikkje å finne her i Florø, for spørsmålet frå mine kjære kjem gjerne rett før dei skal på by'n........

Då eg fann dei på ein nettbokhandel, tenkte eg at eg at det var ei flott gåve for pengane eg fekk frå Svigers til bursdagen min for litt sidan;o)

Og for nokre dagar sidan kom dei. Det var ei god stund, då eg bladde gjennom dei og kunne sjå på alle dei vakre stoffa, fargane og få tips til tepper. Bøkene kjem nok til å ligge framme for eg har stor glede av å  "ha dei for hand" kikke i dei, lese litt og nyte fargane. Eg har ikkje sydd store tepper til no, eg "trur" at det er stort og vanskeleg å arbeide med......,  vanskeleg å quilte...., tek lang tid..., det er så mykje eg har lyst å gjere...., og så ....... ja, er det nokon som kjenner att argumenta?

Men  når eg bladar gjennom desse bøkene kjem lysta til å prøve:o)

Inspirert av fargane og lysta til å lage noko med ein gang! laga eg denne. Nei det er ikkje eit stort teppe, men det er kjekt å kunne få noko ferdig på dei små stundene eg kan ha med symaskina. Det er mange småprosjekt som lokkar, lista er og blir lang.....;o)

Ha ein god og fargerik dag!