Morsglede...

Denne dagen har bydd på mykje glede!

Vi starta med rask frukost før vi sette kursen for Storhallen og fotballturnering for minstegullet.

Rusta med ull, ull og ull heia vi fram laget. Etter 4 kampar måtte eg diverre ta turen heim att, men min kjære og mellomstegullet kunne heie dei heilt fram. Ei god blanding med uavgjort, tap og seier er greitt når hovudtanken er leik og ha det kjekt saman.

Vel heime kosa eg meg i sofakroken med fyr i omnen, levande lys, strikk og varm drikke. Det var nødvendig for å få varmen i kroppen att, men det gleda eit morshjarte å sjå og høyre gleda ungane har av lagspelet.

Her er eit stemingsbilete frå ettermiddagen min og utsikta frå sofakroken.... Ein nydeleg orkidé som eg fekk i dag og nokre av englane mine. Den fremste var og morsdagsgåve.

Dei to i glaskarmen har eg strikka og tova.

Strikketyet er den vedunderlege tråden frå Jæren. No er og ermane kome på pinnen. Tanken er raglanfelling og v-hals.....

Blondestrikket med vekslande tråd synes eg fungerer bra, det første mønsteret eg prøvde vart forkasta.....;o)

Ettermiddagen vart avslutta med nydeleg middag laga av min kjære og denne gode kaka som eldstegullet trylla fram.

Eg er så glad for at ho gladeleg lagar sukkerbotn, piskar krem og kjevlar masipan.

I dag var kaka fyldt med krem med bringebærsmak og pynta med marsipan og bær.

Passeleg søt-syrleg til kaffien!

Endå kjekkare var det at vi kunne dele den med søstera mi og hennar familie;o)

Ein god morsdag med andre ord!

Ha gode dagar!