Kjoleogslikt.....

Som de sikkert har sett, og skjøna,  har eg ein hang til kjolar. Eg likar godt å gå i dei og eg likar godt å lage dei.

Det er stadig ein kjole eller to i sving i tankane.

Nokre kjem så langt at eg lagar dei.....

Andre ligg å modnast ei stund og enno ei stund til før dei blir til, eller dei blir revurderte så mange gangar at dei blir "nye".

Denne kjolen vart til på nyåret.


Då hadde overdelen lege klar ei stund.

Fleire skjørt, eller stoff til skjørt vart vurderte og valet fall på dette.

Denne gangen vart det blondestrikk og sirklar/blomar "i skjønn forening".

Eg har ikkje mange blå plagg, men skjørtet til denne er i blått.

Eg tenkte eg kunne trene meg litt på den fargen......

.....og med den trygge, gode lillafargen på overdelen har det faktisk gått heilt fint å bruke den.....;o)

Det at det er mykje lilla og grønt i tillegg til det blå,  gjer det heller ikkje vanskeleg ....;o)

Overdelen er strikka i Fin, frå Du Store Alpakka, og er eit fantastisk mjukt og godt garn!

No er det strikke tid. Eg har visst nokre sokkar og eit mysterium som ventar. Eg er nok kome litt bakpå, men det kjem nok ledige stunder til dette og;o)

Gjer dagen din god!