Viser innlegg med etiketten Bursdagsgleder. Vis alle innlegg
Viser innlegg med etiketten Bursdagsgleder. Vis alle innlegg

søndag 2. september 2012

Partytime


I morgon blir mellomstegullet 11 år. Det har blitt feira med ein god gjeng med venninner i helga.

Eldstegullet har som vanleg stått for kakebakinga. Ho er ein meister og jubilanten fekk velje nett kva ho ville ha.

Det var høg sjokoladefaktor......

...... to typar muffins......

.... og sjokoladekake i lange baner.... eller i fleire høgder.....

Eg sto for pizza og det som elles skal til for å få ei god feiring.

Litt pynt, ho sjølv visste ikkje kva ho ville ha.... Levande lys og blomar er no aldri feil....;o)

Dei er blitt så store no at ein ikkje treng å aktivisere dei med leikar og slikt. Det blir fort flaut med for mykje innblanding frå dei vaksne...;o)

Ein god jentefilm og snacks etter maten var det som skulle til for å gje jubilanten den feiringa ho ville ha.

Elles har helga blitt brukt til lue strikk.

Turen for å kjøpe meir garn enda i utprøving av ein nytt garn. Det var kome i butikken dagen før eg tok turen innom.

Hexa heiter det og er utruleg mjukt!! Det må rett og slett opplevast..... Det kjem frå Du Store Alpakka.


Eg laga min eigen variant/oppskrift på lue i relieffmønster og flettestrikk.

Etter vask vart tråden endå meir spennande. Eg likar den og kjem nok til å lage meir av denne.

Eg har eit halvt nøste att, og har planar om meir strikk. Eg må nok kjøpe eit nøste til, og kven veit kva eg då kjem heim med.....

Det er ikkje godt å vite, for det er mykje som freistar i butikken.....

Gjer dagen din god!

 

søndag 10. juni 2012

Sommarfryd


Er det noko sak? ..... når ein berre kan blade opp i div bakebøker og "velje fritt frå øvste hylle".... når ein er 8 år og skal feire bursdag saman med klassekameratar.....

Ikkje når ein har ei supergod storesyster som er VELDIG glad i å bake og gjerne prøver seg på nye oppskrifter og kakepynting vi andre berre drøymer om.....




Så dette har vi kunne meske oss med i helga;o) og feira i stor stil.

Prikken over i'en er at sommaren har kome tilbake så vi har vore ute mesteparten av helga.

I dag på fotballturnering der veslegullet har spelt kamp etter kamp og mellomste la seg tiltrette i sola med ei bok og slappa godt av....



Vi foreldre kosa oss i sola og heia på våre håpefulle..... Det går godt på slike sommardagar.


I går fann eg solkroken og kosa meg med sommar fargar.

.......Først på neglene og litt etter litt kom det farge på huda og..... 


 ..... til og med fargen på strikket matchar.

Saman med kaffi i koppen og P1 på radioen var det i grunnen ganske enkelt å nyte stunda......;o)


Eg har snopa eit herleg garn i bomull - knall oransje!


Det blir tøft, det er eg siker på. Mønsteret blir til medan eg strikkar......

..........så eg dragsar det med meg rundt om kring og strikkar litt no og litt då.

I dag var det tidtrøyte mellom kampane til veslegullet. Eg trur og håpar det blir bra;o )  Så langt er det godt;o)

Jepp!, vi er veldig glade i sommaren vi har no, og nyt den til fulle.

Dagane og kveldane tilbringar vi ute. Vi er heldige som kan nyte det og det gjer godt!

Gjer dagen din god!


torsdag 7. juni 2012

Sommarprinsesse!


Veslegullet er 8 år i dag;o)

Forventningane har vore store, og nedteljing til den store dagen har vi og vore innom.

Det er godt å sjå kor ungar kan glede seg og ha forventningar til bursdagar og andre gleder. Det er og godt å sjå at dei kan nyte det og glede seg over å få vere i sentrum for ein dag.

I klassa til veslegullet er det tre stykke som kan sole seg i glansen i dag.


Dagen starta med frukost på senga med pannekaker, kakao, song, (og ja, .... det var solo av underteikna....) og sist men ikkje minst presangar.

Ho vakna tidleg, men var så trøtt at ho måtte legge seg att, og då kunne vi 4 andre kunne bu oss og lage til og gjere stas på ho på morgonkvisten..... Ho er og vil bli veslegullet vårt same kor mange år som kjem til.....

Prinsessekjolen vart ferdig og kunne pakkast opp i dag slik at ho kunne vere sommarprinsesse på bursdagen sin.

Den har hekla topp, i skjell-mønster.

Eit tynt, mjukt og fint bomullsstoff med broderte blomar på til skjørtet.

Det er lagt dobbelt for å få ein mjuk kant og når det ligg dobbelt er det heller ikkje gjennomskinleg......;o) Det er rynka slik at det passar overdelen.

Rosepynten er laga av kanten på stoffet, den rynka saman og sydd fast, dekorativ og enkel;o)

Eg trur den vil vere god på varme sommardagar, som vi tenkjer det skal bli mange av no framover!;o)



Heilt sidan eg laga denne har ho lurt på når ho kunne få ein slik kjole......

Eg har blitt minna på det med jamne mellomrom og av og til er det lang ventetid, men den som ventar på noko godt..... og så vidare....

No kan ho i alle fall nyte sommaren i ein lett og luftig kjole.

8 års-dagen skal nytast og feirast i fleire dagar.

Dagens kake er i omnen og morgondagen si feiring er godt planlagd, då skal vi gjere stas på alle tre bursdagsbarna saman med klassekameratar. Det blir kjekt!


Gjer dagen din god!


mandag 30. april 2012

Aprilblomar


Det har eg kalla denne duken.

Det er fordi eg har sydd den i april, den har fine blomar på og er gitt i gåve til "systa", som har bursdag i april.

Då er jo namnet opplagt....;o)

Eg har sydd den før, for eit år sidan, den er og gitt vekk i gåve.
Kanskje syr eg fleire, for den er veldig kjekk å sy.

Den er sett saman av mange firkantar sydd i nier blokker og rekker på tre og tre bitar.

Så har eg strødd nokre fine blomar ut over duken.

Denne er sydd i lyse stoff og så har eg brukt av dei fine stoffa som var til overs frå hjerteteppet mitt.

Dei er så fine at eg berre må lage noko av dei;o)
Dei kan ikkje ligge i skuffa, dei er for fine til det!

Lys crème, raud og turkis er og blir ein favoritt!
Kva er din favoritt?

 Gjer dagen din god!

lørdag 3. september 2011

10 år!


Vi feirer eit jubileum i dag. Mellomstegullet er 10 år og det blir feira som seg hør og bør.

Ho og ei venninne har allereie hatt bursdagsfest saman med klassa. 30 ungar, kake, muffins, kjeks, brus og snop, disco, leikar og ein "professor" som tryllar og eksprementerer med flammar, smell og skum gjer lukke.

Professoren er faren til vennina og gjett om det var kult når plastboksen small og lokket fauk i taket,eller når han sette fyr i lause lufta.... Det var til stor glede for både store og små.

Eldstegullet trylla fram kake, nett slik jentene vil ha det. Kjeks fekk bursdagsbarna lage sjølv. Det er kjekt å kunne servere noko som ein har laga sjølv. Muffins er sjølvsagt og alt gjekk ned på høgkant mellom dans, leikar og underhaldning.

Når dei til slutt fekk springe fritt rundt på heile ungdomsskulen kunne det ikkje vere betre. Det var nokre sveitte ungar som vart henta, med store smil om munnen;o) Det er spennande å vere på ungdomsskulen når ein enno har tre år att før ein skal gå der sjølv.....

Eg fekk i oppdrag å lage gåve til vennina, ho ville så gjerne ha eit penalhus. Mellomstegullet valde fargar og stoff som ho trudde kunne falle i smak. Ho hadde og tenkt ut korleis eg skulle lage namnelappen. Då var det ei smal sak for meg å kutte, sy og pynte.

Gåva fall i smak, heldigvis;o)

I dag er menyen bestemt av bursdagsbarnet, så då blir det taco og muffins til dessert. Om litt må kokken på kjøkkenet, men først skal eg ha ei lita stund med eit handarbeid, skal tru kva eg skal velje....



Gjer dagen din god!

tirsdag 7. juni 2011

7 år!

Minstegullet vårt er 7 år i dag;o) Veslejenta, koseklumpen og mammagullet veks til. Snart er ho ferdig med 1. klasse og eg synes at det var i går ho var fødd....

Ja, ja nok klisjéar for i dag. Men kvar gang eit av mine gull har bursdag kjem slike tankar. Kvardagen er her, kvar dag, og dagane går i ekspressfart. Inn i mellom stansar eg opp og tenkjer etter... Eg prøver å bli flinkare til å nyte nuet, og skjønar ikkje heilt kvar dagane blir av.....
Eg er vel ikkje heilt aleine om å ha det slik....

Ynskjet til bursdagsbarnet var frukost på senga med pannekaler med sjokoduo, kven kan vel seie nei til slike ynskjer?.... ikkje eg.....;o)

Frukost på senga vart det, med pannekaker, pakkar, fleire pakkar og sang. Ein god start på dagen....

Ein av mine måtar å nyte dagen og nuet på er å gjere dette:

Kan eg få kutte, sys saman, brodere eller liknande "pustar eg med magen" og kan ta meg sjølv i å smile, eg nynnar og kosar meg.... Det er ei kvardagsglede å kunne få lov å skape noko kvar dag;o) 

Denne har eg lenge tenkt eg skulle lage. Eg synes den er liten og søt og passar godt til Tildastoffa eg har...
Mønsteret fann eg her om det er fleire som blir freista....,o)  Den er lita, søt og enkel å lage og oppskrifta er enkel å følgje.

Gjer dagen din god!

mandag 25. april 2011

Familiefest!

April er månaden for fest og feiring i vår familie. Det er mange som skal feire bursdag og to av dei er eg heldig å vere faste til.

Heilt sidane eg lagde denne, har eg tenkt at den passa fint til gåve til sjuåringen som hadde bursdag no i påskeveka.

Eg hadde pels-stoff til kroppen, fann ullfilt i ein nydeleg lilla nyanse og buksestoff frå lageret.



Så medan min kjære og jentene var på påsketur sydde eg denne karen.

Det er kjekt å sy slike figurar, men no har eg ikkje meir pels-stoff så eg tenkjer eg må teste ut ullfilt og bomullstoff om eg skal lage fleire....;o)

Eg trur den vart godt likt av ho som pakka opp pakken. Det er ikkje første gangen ho får heimesydde gåver....;o)



Broren hennar har og bursdag i april. Han vil som oftast ha med seg ein liten pose til ting og tang når han er ute på tur.
Mange gangar har han kome med ein blå, liten plastpose lik den ein får på apoteket. Den har rett strørrelse!

Eg synes no at plastposar ikkje er det optimale og sydde difor ein pose til gullet, i rett størrelse og med traktor på.

Det var rett sort traktor til og med, John Deere må vite!!
Pappa har hatt John Deere så lenge eg kan hugse.... og no har bror min overteke garden og har same traktor..... Så det er berre den som gjeld i familien.....;o)

Den gjer seg som motiv på posar og....;o) Pose og lego fall i smak hos gullguten.


Ha gode dagar!

fredag 14. januar 2011

Juleslutt.....;o)


I går sydde eg ikke eit sting på masikna..... Berre for hand om kvelden......
Eg gjorde som Trollkåno skreiv på bloggen sin. Eg rydda vekk jula og plukka fram lyse fargar, lyse dukar i stova og på kjøkkenet, lyse lysestakar og lys slik at desse flotte blomane kom til sin rett.

Hos oss blir ikkje jula plukka ned før 13. januar. Det er fordi elstegullet har bursdag 12 januar og vil så gjerne at jula er i huset til ho har feira dagen sin.
Det er greit for meg då vi ikkje pyntar før veslejulafta;o)


Dagen vart feira med kaker og muffins.
Sjølvsagt fekk bursdagsbarnet velje middagsrett og kake;o)

Det vart Pavlova med fargerik pynt. Den er god når frukta og bæra på toppen er noko syrlege, saman med det søte underlaget smakte den vedunderleg og det vart berre ein liten bit att...
Eg måtte berre ta bilete for eg syntes fargane var så fine saman......;o)




Eldstegullet høyrer mykje på bl.a. Green Day difor måtte eg berre lage denne til ho til bursadagen.

Saman med sømbyste og CD' ar frå oss og 3 par tjukkelabbar frå mosta vart ønska hennar oppfylt denne dagen, til glede for oss alle.....;o)


No lokkar symaskina.....;o)


Ha ein god fredag!

onsdag 30. juni 2010

Hekla bolero

I går var vi heldig å få vere med å feire 15 årsdag. Dottera til søstera mi feira dagen sin med sjølvbaka/laga kaker, sjokoladepudding, gjærbakst m.m. Det var ei kjekk stund saman med familie og venner;o)

Eg var heldig å få vite om ein bolero som "gjekk gjennom nålauget"..... så eg var snar til å foreslå for mora at den kunne mosta lage til ho. I går kunne eg overlevere den og den passa perfekt.....


Eldstegullet er kreativ også med papir, symaskin, lim og saks så ho pakka inn og laga eit flott kort til jubilanten;o)
Ho er dyktig og har mange idear. Det var første gangen ho brukte symaskina til å pynte kortet, og det klarte ho med glans!


Morgonstundene er rolegare no med skulefri så då nyt eg kaffien med PC, blade i bøker og hekl. Prosjektet no er lodd til dukane ute.
Eg har ikkje funne lodd som fell i smak i butikkane...., eg er ikkje så kresen.... så då heklar eg dei sjølv. Det er nok ein grei måte å bruke restetråd. Eg fyller lodda med småstein frå tunet.....;o)
Eg blada gjennom denne boka og fekk ideen til lodda. Eg har laga dei noko mindre enn dei som var i oppskrifta. Det var forresten mange nyttige tips å finne i boka.


Ha gode dagar!

mandag 7. juni 2010

Hipp, hipp HURRA!!!


Vi har vore tidleg oppe i dag. Små-pannekaker skulle steikast, så må vi ha sjokoladepålegg på. Favorittfarge på fat og glas. Kakao i glaset, lys, serviett og så måtte vi reinske stemmma..... Liste oss opp trappa, og vekke 6-åringen vår med frukost, pakkar og sang på senga.

Det er no det minste ein skal få når ein har bursdag!!!

Ha ein strålande fin dag, det har vi!!!!

torsdag 1. oktober 2009

Eit nytt tiår......

Jepp!, så er eg blitt 40. Det var ingen store forandringar frå dagen før.... Men no er eg vel halvvegs til vaksen;.)


Eg er heldig som har ein flott familie som er med på å gjere dagen god, kjekke vennar som kjem innom på dagen til glede for meg.

Det er kjekt å kunne kveike stearinlys og sette fram kaker og sjokoladekuler til gjestene. Som kan nytast til kaffi og te, mmmmm.........
 Eg er og heldig som har ein god 13-åring som vil lage  og pynte kake, som vi kan servere gjestene;.)

Sjå på alle dei små lilla og grøne blomane ho har laga!

Gleda er stor over blomar som blir leverte på døra og av gjester som kjem innom. Tenk at så mange hugsar på meg og ikkje minst alle sms'ane og telefonsamtalene som har kome i løpet av dagen. Det er ei stor lukke!

På jobb var vi to som vart feira med sang, kake og gåve, så det var feiring frå morgon til kveld;.) Det er faktisk kjekt å bli 40 år!!;.) Det er godt å kjenne at ein etterkvart er trygg på og har det godt med seg sjølv.... Så eg skal framleis nyte livet!


Sjå også på alle dei flotte gåvene eg har fått og endå til har eg fått gavekort. Det skal bli kjekt å kunne bruke tid og kunne velje noko spesielt frå dei eg har fått desse korta frå;.). Og eg skal nyte å bruke dei gåvene eg har fått!

Eg er heilt overvelda over kva fint dei rundt meg har funne til meg, kvar og ein har funne flotte ting som eg set stor pris på å få!



Tusen takk alle saman!