Varm og god sommar;.)

Det er fint med varme og late dagar. Dei blir late, då eg blir doven av varmen;.) Litt stitchery, skogsturar og midt på dagen ein tur på syrommet. Då er det godt å vere inne. Kvelden er fin på altanen med ei god bok eller handarbeid. Eg er livsnytar av rang for tida!

Eg har brodert ferdig nokre merkelappar så er det til å sy på bakstykke og quilte dei litt etterpå.













Nokre handlenett har og blitt til. Det var ei koseleg stund på syrommet med lydbok som selskap.







Elles har det vorte førebuing til ferietur. Mannen har starta på ferie i ettermiddag og vi reiser først ein liten helgetur til mine foreldre.

Måndag vender nasen sørover og skal ende i Danmark i midten av neste veke. Då ventar nokre gode dagar der før vi stikk innom Oslo på veg heim. Det skal bli kjekt å vere på tur;.) Håpar på sol og varme også då. Om ikkje skal vi nok fylle dagane med kjekke aktivitetar og sjå og oppleve nye ting.







På byturen i dag greidde eg ikkje å motstå tilbodet på trådbutikken...... ;.) Det var 40% rabatt på sommargarnet til Garnstudio og då kjøpte eg nokre nøster kvit Lin som eg har tenkt eg skulle bruke til denne fine toppen.

Det blir fint til sommarbrun hud!




Ha ein nydeleg sommarkveld!